Genesi 32:9 - Bhibhiliya Nya Guage

⁹ Khavbo avbo, Jakobe a di ganela, khuye: “Oh, Nungungulu wa babe wangu Abrahama, Nungungulu wa babe wangu Isaki, Uwe Pfhumu Nungungulu u nyi embedego gukhuwe: Bwelela tigoni gwago nya mavelego, eni nyi na gu vhikela;”

Genesi 32:9 Iomraidhean Croise

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 28:15

Eni nyi na ni uwe, nyi na gu vhikela ni evbini u na hongolago, nyi na gu wuyisa tigoni momu, kholu gima kha nyi na gu diga, nyi si gu tadzisi esi nyi gu tumbisidego.”

Genesi 31:13

Eni kheni Nungungulu wa Bheteli, wulanga u nga tsitsago avbo giwindri nya gialakanyiso ni gu gi thela mafura, u wuya u gira gisambanyo khu lina Langu. Olu khuga u duge tigoni momu, u bwelela tigoni u velegedwego umo.”

Genesi 31:29

Eni nyi na ni tshivba nya gu mi gireleni guvivba khu mandza yangu; aholu Nungungulu wa babe wago a ganede gwangu wutshigu wowu, khuye: “U nga wudzisi ga Jakobe, gani khu gwadi, gani khu guvivba.

Genesi 31:3

Pfhumu Nungungulu a di embela Jakobe, khuye: “Bwelela tigoni ga vavelegi vago ni valongo vago; Eni nyi na bani nyiri nago.”

Genesi 31:42

Naripwani Nungungulu wa babe wangu Nungungulu Abrahama ni oyu a rungudzwago khu Isaki, kha nga nyi phasa, khu lisine nu nyi vbanganide nyambana gilo, nyi bwelela liphanga nyambana gilo mandzani. Aholu Nungungulu a wonide gusaniseka gwangu a wona mithumo ya mandza yangu, vbanova ni wutshigu a gu kawuka.”

Genesi 31:53

Nungungulu wa Abrahama, Nungungulu wa Nahori, Nungungulu wa babe wawe a na khale mulamuli vbakari gwathu.” Jakobe a di sambanya khu Nungungulu a rungudzwago khu babe waye Isaki.

Genesi 32:8

khuye: “Esawu a gu dhumela tsawa moyo wumbe wu na kodza guvbuluga.”

Genesi 49:25

Khu Tshivba ya Nungungulu wa babe wago, a na khalago muemeli wago; ni Nungungulu nya Tshivba Yatshavbo a na bani ari gikategiso gyago, khu sikategiso sa vbatshani ndzadzini; ni sikategiso sa guetani vbavbatshi nya mafu, khu sikategiso sa maveleni ni mahembeni!

2 Dzikoronika 20:12

Oh, Pfhumu Nungungulu wathu! Ina kamwe khu na va lamula, gani? Kholu ethu hi mwalo tshivba nya gu dwane ni mwandra yoyu nya wukhongolo wutago guta hi dwanisa; olu ni gilo nya gugire kha hi giti; maho yathu ha gu ma vega mbeli gwago.”

2 Dzikoronika 20:6

a di ganela, khuye: “Oh! Pfhumu Nungungulu wa vababe vathu, ina khandri Uwe Nungungulu a guromo ndzadzini, gani? Ina khandri Uwe mufumeli nya mayigo yatshavbo, gani? Mandzani gwago, yomo tshivba ni wufumu, mwalo a dzi kodzago gu dwana nago.

2 Dzikoronika 32:20

Aholu mufumeli Ezekhiya ni muprofeti Isaya, mwamana wa Amosi, va di lombelela khu mahungu yaya, va lomba giphaso gya ndzadzini.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Jeremiya 32:16

Hwane nya gubani nyi rengide nyi ningela mikhwepha, Bharuki, mwamana wa Neriya, nyi di lombelela ga Pfhumu Nungungulu, kheni:

1 Samuweli 30:6

Dhavhidhe a di vbisega ngudzu, kholu vathu va di gu ganela khu gu mu pfara khu siwindri, kholu vatshavbo va di guvbisegide ngudzu khu mahungu nya sanana sawe nya sikhwathana ni vanyamahegyane vawe; aholu Dhavhidhe a di dzi tiyisela khu tshivba ya Pfhumu Nungungulu waye.