Genesi 3:8 - Bhibhiliya Nya Guage

⁸ Ga igyo gikhati, va dipwa lito la Pfhumu Nungungulu a nga bani na gu gimbila thembweni apwa gupepa nya silambo, mwama ni nyamayi va di thava va sihalela Pfhumu Nungungulu misimboni ya thembweni.

Genesi 3:8 Iomraidhean Croise

Genesi 18:33

Pfhumu Nungungulu na vbedzide gu ganela ni Abrahama, a di hongola. Abrahama a di bwelela wulanga waye.

Genesi 3:10

Uye a di hakha, khuye: “Nyi pwide lito lago avbo U nga bani na wu gimbilagimbila thembweni, nyi di thava, kholu, nyi diri wumbwiri; nyi ta sihala.”

Joba 22:14

Mapfhi makhuvi ma mu fenengedzago, gasi hi si mu woni, Uye a gu gimbila gimbila ndrengelengeni gwa ndzadzini.

Joba 31:33

Nya gu bani nyi fananide ni vambe vathu nyi fenengedza sighoho sangu kha nga Adhamu, nyi siha milandru yangu monyoni gwangu;

Joba 38:1

Khavbo avbo, Pfhumu Nungungulu a di phindrula Joba, nari khu ndrani nya gipupwane, khuye:

Mavingu 15:3

Maho ya Pfhumu Nungungulu momo malangani yatshavbo, a khedza va nya guvivbedwa khu monyo ni va nya gululama.

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Hoseya 10:8

Malangani nya gukhugege ya Bheti-Avheni, a gu tsindza nya giwono gya Israyeli, gu na pfhungumudwa; miba ni sirangalabwa, si buga vbatshani nya siluvelo sawe. Khavbo avbo, va na embela sigomo, khavo: “Hi fenengedzeni!” Ga sigomwana, khavo: “Hi futeleni!”

Levhi 26:12

Nyi na bani nyiri vbakari gwanu, nyi khala Nungungulu wanu, enu mu khala vathu vangu.

Jona 1:3

Aholu Jona a di khuga mahoni ga Pfhumu Nungungulu a thava, a hongola Tarisisi; a di relela dhoropani ga Jope, avbo a ngaya mana litaro li nga bani li gu hongola Tarisisi; khu guralo, a di renga lithigiti, a gu bela litaroni gasi gu hongola navo Tarisisi, hwindzo ni khovbe ya Pfhumu Nungungulu.

Varoma 2:15

Va gu yeyedza khu mavbanyelo yawe gukhavo esi wu rumago nayo si lovidwe myonyoni gwawe. Mavhalo yawe ma ngu va hevbudza ugo gu vbwetegago gu gira, ma gu va thuledza mwendro gu va emela mithumoni gwawe.

Dhewuteronome 23:14

Kholu, Pfhumu Nungungulu wago, womo vbakari nya lizumbo gasi gu gu vhikela, ni gu ningela valala vago mandzani gwago; khu kharato, lizumbo lago gu vbwetega na li agide, gasi uye a si woni ndzilo avbo gwago, a dzi hambanisa nago.”

Dhewuteronome 4:33

Mwendro ga litigo nya gukari gu di nga pwala na gu ganela lito la mumbe nungungulu vbakari nya nilo, kha nga edzi uwe u li pwidego, u wuya u vbanya;

Dhewuteronome 5:25

Gasi olu, hi ngafa khu ginani? Kholu nilo yoyu nya wukhongolo khongolo na hi dagarede khuwo; naripwani hi di simamide gu yingisa lito la Pfhumu Nungungulu hi di hadza gufa.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Gutuledwa 6:15

Vafumeli nya mayigo, ni vathangeli nya dzinyimbi, sitetema, va nya tshivba, vatshavbo, dzikhumbi ni va nya gutshulega, va di sihala mudziphagoni nya siwindri sa musigomoni;