Genesi 3:14 - Bhibhiliya Nya Guage

¹⁴ Khavbo avbo, Pfhumu Nungungulu a di embela nyoga, khuye: “Kha nga u giridego silo nya nga esi, u vadwe vbakari nya sirengo satshavbo nya sifuyo ni sirengo satshavbo nya likhabi. U na khwirira khu lididi, u hodza kudzudzwane nya mafu, matshigu yatshavbo nya guvbanye gwago.

Genesi 3:14 Iomraidhean Croise

Genesi 3:1

Nyoga yi diri igyo girengo nya gugengele ngudzu ga sirengo satshavbo sa khabini, si nga giriwago khu Pfhumu Nungungulu. Yi di embela nyamayi, khiyo: “Ina lisine nya gupwani Nungungulu a mi layide gukhuye, mu nga hodzini mihandro nya misimbo yatshavbo ya thembweni, gani?”

Genesi 4:11

Khu guralo, u na vadwa khu mafu ma hamidego ma sela khu mandzani gwago novba wa ndriyago u mu songidego.

Genesi 9:6

Oyu a vbaladzago novba nya muthu, novba waye nuwo wu na vbaladzwa khu muthu, kholu muthu wumbidwe khu mufananiso wa Nungungulu.

Dzindzimo 72:9

Va na noge mbeli gwaye vathu va khalago giwulani, valala vaye va na dzi these mafuni migondroni gwaye.

Isaya 29:4

U na theswa vbavbatshi, u na ganela nuri vbavbatshi nya mafu, lito lago khu vbavbatshi nya kudzudzwane, li na duga na liri mwalo tshivba, lito lago li na pwala vbavbatshi nya mafu li fanana ni lito nya gikono; li na womba ndrodzi khu vbavbatshi nya kudzudzwane.

Isaya 65:25

Lisolwa ni nvutana si na hodza dangamwedo, nghala yi na hodza mwasi kha nga mombe; nyoga yi na hodza kudzudzwane. Gigomoni momu gwangu nya guage, kha gu na girwa gambe guvivba ambari gumbembiswa. Kheni Pfhumu Nungungulu nyi ganelago!

Levhi 20:25

Nyi na hambanisa sirengo si agidego nesi nya gunyenyeze; ni sinyoni si agidego nesi nya gunyenyeze; mu nga dzi nyenyezisi khu sirengo ni sinyoni, ni mafumbu nya guhambanelane nya sirengo si khwirirago khu lididi mafuni, nyi mi hevbudzidego gu si hambanisa, khu gu si loledzisa.

Mikeya 7:17

Va na dandzela kudzudzwane kha nga dzinyoga, ni simbe sirengo si khwirirago khu lididi mafuni, va na duga khu mugusihalani gwawe na va gu ndrendremela khu hwanga, va nata gwago Pfhumu Nungungulu wathu, na va gu gu thava.