Genesi 26:8 - Bhibhiliya Nya Guage

⁸ Na gu vbindride matshigu nya gulaphe, litshigu limwedo, Abhimeleki, mufumeli wa Vafilisitiya, a di khedzisa khu vbagihogwanatunu a wona Isaki na gu hesana ni mwangadzi waye Rebheka.

Genesi 26:8 Iomraidhean Croise

Genesi 26:7

A gu wudziswa khu vathu va tigoni mule khu mahungu ya mwangadzi waye, uye a di va hakha, khuye: “I ndriyangu,” kholu uye a di gu pimisa monyoni gwaye, khuye: “Vathu va wulanga wowu va na nyi songa khu kotani ya Rebheka, kholu a diri nyamayi nya gumbure ngudzu.”

Genesi 26:9

Abhimeleki a di rana Isaki a mu embela, khuye: “Khu lisine, oyu i mwangadzi wago. Khu ginani u nga tiyago u ganela, khuwe: I ndriyangu?” Isaki a di hakha, khuye: “Nyi ganede satshavbo soso khu gu thava gu songwa khu kotani gwaye.”

Mavingu 7:6

Kholu nyi diri khu vbagihogotunu nya nyumba yangu, nyi di khedzisa khu mudzisimbini,

Muhevbudzi 9:9

Vbanya khu gutsaka ni mwangadzi wago u mu haladzago, matshigu yatshavbo nya gurole u ningidwego khu Nungungulu mafuni momu.

Gizimba 2:9

Gigodwa gyangu gya gu fanana ni yisya ni mbavalana, kha mu mu woni uyoyo magumbini nya ndranga yathu, a khevisela khu sihogo a sola nyumbani.

Isaya 62:5

Kholu, kha nga lidzaha li dzeganago ni mbiri, kharato nugo sanana sago si na dzegana nago; kha nga mwama nya khundzwa a tsakiswago khu mwangadzi waye nya khundzwa, kharato nugo Nungungulu wago a na nengela khu uwe.

Valamuli 5:28

Mayi wa Sisera a di gu si wona khu vbagihogotunu, a khevisela khu vbagihogotunu, a lila, khuye: Khu ginani kareta yaye yi hwelago gu wuya? Khu ginani gu hwelago gupwala sikingo nya kareta yaye.