Genesi 24:7 - Bhibhiliya Nya Guage

⁷ Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 24:7 Iomraidhean Croise

Genesi 13:15

Kholu litigo latshavbo u li wonago, nyi na gu ninga uwe ni sanana sago kala gupindruga.

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

Genesi 16:7

Ngilozi ya Pfhumu Nungungulu yi di ya mu mana giwulani, vbafuvbi ni gifefe nya mati ndzilani nya guye Suri.

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Genesi 21:17

Nungungulu a di pwa khu ndzadzini gulila nya gyanana, ngilozi ya Nungungulu yi di rana Agari, khiyo: “Ginani u gu nagyo, Agari? U nga thavi, kholu Nungungulu pwide lito nya gyanana wulangani gi guromo avbo.

Genesi 22:11

Aholu, ngilozi ya Nungungulu yi di mu rana khu vbatshani Ndzadzini, khiyo: “Abrahama! Abrahama!” Uye a di hakha, khuye: “Nyi womo avba.”

Genesi 24:3

Nya gu vbweta gukheni u sambanye khu lina la Pfhumu Nungungulu wa ndzadzini ni Nungungulu wa mafuni, khuwe, gima khu na nga vbwetela gyanana gyangu, nyamayi vbakari ga vanyamahegyane nya lifumbu nya Vakhanani nyi vbanyago vbakari gwawe.

Genesi 24:40

Uye a di nyi hakha, khuye: Pfhumu Nungungulu a nyi thangelago dzindzilani gwangu gwatshavbo, a na rumela Ngilozi yaye yi gu bangaladza gasi lendro lago li mane mihandro hi yi vbwetago; u na dzegela gyanana gyangu nyamayi nya lihundzu langu, wa ndrangani ga babe wangu.

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Ezira 1:2

Kiro, mufumeli wa Perisiya a ngu ganela kharati, khuye: Pfhumu Nungungulu wa Ndzadzini, a nyi ningide mifumo yatshavbo ya mafuni; uye gambe a nyi rwegide rwalo nya gu mu vbahele nyumba Jerusalema, tigoni ga Judha.

Dzindzimo 103:20

Bongani Pfhumu Nungungulu enu dzingilozi dzaye, enu mu gu na ni tshivba mu landrisago milayo yaye ni gu yingisa magana yaye.

Dzindzimo 136:26

Dhumisani Nungungulu wa ndzadzini, kholu lihaladzo laye li ngu simama kala gupindruga.

Dzindzimo 32:8

Nyi na gu hevbudza nyi gu nonedza ndzila u na yi landrago; nyi na gu khedzisela, nyi khala singalagadzi wago.

Dzindzimo 34:7

Ngilozi ya Pfhumu Nungungulu ya gu vhikela vale va mu ningago githawo yi va vbanyisa.

Dzindzimo 73:24

Khuwe u nyi gimbidzisago khu nayo wago Khu guhegisa u na nyi hakha gambe khu wuzundzo.

Ekisodha 13:5

Avbo Pfhumu Nungungulu a na gu mi bedzago tigoni ga Vakhanani, ga Vahiti, ga Vaamori, ga Vahevhi ni ga Vajebhusi, litigo lile a sambanyidego ga vababe vago gukhuye a na gu ninga, litigo li gogago mahwe ni wulombe, u na ya gira phaselo yoyu khu ngima yoyu.

Ekisodha 32:13

Dundruga Abrahama, Isaki ni Jakobe, sithumi sago, u nga va sambanyelago khu Lina lago, khuwe: Livelego lanu li na tala li andra gu fanana ni dzinyeledzi dza ndzadzini, nyi na ninga sanana sanu litigo leli nyi nga mi embelani, li khala thomba yanu kala gupindruga.”

Ekisodha 33:2

Eni nyi na rumela Ngilozi yangu yi thanga mbeli gwago, nyi na tutumisa Vakhanani, Vaamori, Vahiti, Vaperezi, Vahevhi ni Vajebhuzi.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Jona 1:9

Uye a di va hakha, khuye: “Eni nyi Muhebheru, nya gu khozela Pfhumu Nungungulu wa Ndzadzini, a vangidego linene ni mafu nya gubange.”

Mitengo 11:12

Ina eni nyi di khura mimba nya vathu vatshavbo vava, gani? Gasi kheni nyi nga va velega, gu kala U ganela gukhuwe nyi na va rwale magatani, gufanane ni melegi a velegago gyanana gya beleni, kala nyi va vbohisa ga litigo U sambanyidego gu ninga vababe vawe, gani?

Mitengo 14:16

“Pfhumu Nungungulu di sasede va na Israyeli mugiwulani, kholu a di tandrega gu va vbohisa ga litigo a tumbisidego gu va ninga.

Mitengo 14:30

Khu guralo, ni moyo nya enu mwalo a na belago ga litigo nyi sambanyidego gukheni nyi na mi vegani mu khala umo, vbavbandze basi ga Kalebi, mwamana wa Jefoni, ni Josuwa, mwamana wa Nuni,

Mitengo 32:11

Khu lisine, vathu vatshavbo va dugidego khu tigoni ga Egipito, gukhugela avo va gu ni tanga nya magumavili myaga guya mbeli, gima kha va na li wona litigo leli nyi sambanyidego gu ninga Abrahama, Isaki ni Jakobe; kholu kha va tumbega va nyi landrela.

Mithumo 7:5

Nungungulu kha mu ninga ambari gipandre gidugwana nya mafu ya tigoni momu. Aholu a mu tumbiside gu mu ninga latshavbo litigo leli, uye ni sanana saye, ambari ulo a nga bani ari mwalo gyanana.

Dhewuteronome 1:8

Khilo eli litigo nyi li vegidego mbeli gwanu; belani mu fumela litigo Pfhumu Nungungulu, a ningidego khu gu sambanya ga vababe vanu, Abrahama, Isaki ni Jakobe, gwawe ni ga livelego lawe li nga gutago.

Dhewuteronome 34:4

Pfhumu Nungungulu a di mu embela, khuye: “Eli khilo litigo nyi sambanyidego gu ninga Abrahama, ni Jakobe. Nyi na li ningela ga livelego laye. Uwe u li wone khu maho yago, aholu khu na nga ya bela umo.”

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 11:9

Khu gukhodwa a diya khala nga muwuyi ga litigo lile a nga tumbiswago khu Nungungulu. A di vbanya mitshatshani gumogo ni Isaki ni Jakobe, va nga hakhago gitumbiso gya gimwegyo.

Josuwa 1:6

Tiya longo u manega ni tshivba ni gutimisela, kholu khuwe u na thangelago vathu vava kala va bela ga litigo nyi sambanyidego gu ninga vababe vago.

Josuwa 24:3

Khu guralo, nyi di dzega babe wanu Abrahama tshatugo nya tsongo wa Joridhani, nyi mu yisa vbakari nya litigo latshavbo la Khanani, nyi mu andrisela gambe livelego laye, khu gu mu ninga Isaki.

Gutuledwa 11:13

Gikhati gyogyo, gu di dugelela girevareva nya gikhongolo. Gipandre nya likhumi nya lidhoropa gi di pfhungumudwa. Livbandre na mavili magumi mazana (7.000) nya vathu va fude khu girevareva gyogyo. Ava va nga vbulugago va di tala khu rerema va gu dhumisa Nungungulu wa ndzadzini.

Valamuli 2:1

Ngilozi ya Pfhumu Nungungulu yi di gwela khu Ghiligali kala Bhokimi yi ya ganela, khiyo: “Nyi mi duside khu tigoni ga Egipito, nyi mi yisani ga litigo nyi mi tumbisidego khu gu sambanyela vababe vanu. Nyi di mi embede, kheni: Gima kha nyi na pfhungumula gidzumeledzwano nyi hungidego nanu kala gupindruga.