Genesi 24:61 - Bhibhiliya Nya Guage

⁶¹ Rebheka ni sithumi saye va di khuga, va khilela dzingameriya va gu landra mwama wule. Githumi gile gi di dzega Rebheka gi hongola naye.

Genesi 24:61 Iomraidhean Croise

Genesi 2:24

Khu gighelo gyogyo, mwama a na diga ndranga ya babe ni mayi waye aya patana ni mwangadzi waye, va vavili va gu khala muthu moyo basi.

Genesi 24:60

Va di kategisa Rebheka, khavo: “Uwe ndriyathu! U na khale melegi wa mazana ni mazana! Sanana sago si na dzege madhoropa ya valala vawe!”

Genesi 24:62

Gu pfolani nya lidambo, Isaki a di gu wuya khu namboni wa Lahayi-Royi; kholu uye a di gu vbanya tigoni ga Negebhi.

Genesi 31:34

Rakeli a di dzega vanungungulu a va siha vbavbatshi nya sighwabhata nya ngameriya, a hegisa a khala khu vbatshani gakone. Laboni a di khedzisa malangani gwatshavbo nya tshatsha, a si mani gilo.

Esiteri 8:10

Nayo wakone wu di lowa khu lina la mufumeli Asuwero, li vetwa gitambo nya phera ya mufumeli; mikhwepa yi rumedwa khu myango na va khilede dzikavalu nya mufumo, nya mazambo ngudzu, nya gudugele mavbandroni ya mufumeli.

Esiteri 8:14

Khu guralo, myango nya guphalalegise mikhwepa yi diya khu givbiredza kha nga gu leletisa ga mufumeli na yi gukhugela dhoropani gwa Suza tsindza nya mufumo, khu mazambo nya makhongolo ngudzu, na va khilede dzikavalu nya mufumo.

Dzindzimo 45:10

Upwa, nyamahegyane; wona u yingisa gwadi; diga vathu vago, u va divala gumogo ni ndranga ya babe wago.

Valamuli 5:30

Ina kamwe khandri va gu kabanelana phango, gani? Mwama ni mwama, a kabaniswa nyamahegyane moyo mwendro vavili. Sisera a di ningwa phango nya myendra nya mavalavala nya mangi, myendra nya mavalavala nya gulugwe, phango nya mavalavala nya gulugwe maphuvbo mavili, nya gumburise thamoni ga mupali.

1 Samuweli 25:42

Abhigayili a di kuga khu guvbiredza, a dzi dongisela a khilela buru yaye, a vbelegedzwa khu livbandre sithumi saye nya vanyamayi; uye a di landra sirumwa sa Dhavhidhe, aya hakhwa khu Dhavhidhe gu khala mwangadzi waye.

1 Samuweli 30:17

Dhavhidhe a di va sasela ga litshigu li landrelago, gukhugela dzimindrudzile kala gupfola lidambo. Mwalo ni moyo wawe a nga vbulugago, vbavbandze basi ga mazana mana nya madzaha ma nga khilela dzingameriya ma thava.