Genesi 24:12 - Bhibhiliya Nya Guage

¹² Githumi gi di ganela khu monyoni gwaye, khigyo: “Pfhumu Nungungulu wa Abrahama, mune wangu, Gira khuwe nyi mane muhuno egi nyi gi vbwetago, wonegisa wuwadi wago ga mune wangu Abrahama.”

Genesi 24:12 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Genesi 24:21

Mwama a di mu khedzisela nyamba ganela gilo gasi guti mwendro Pfhumu a gimbidziside gwadi lendro laye.

Genesi 24:27

a ganela, khuye: “A na rungudzwe Pfhumu Nungungulu wa mune wangu Abrahama, a ngamba diga gu wonegisa wuwadi ni gutumbega ga mune wangu, a nga nyi gimbidzisa kala ndrangani ga valongo va pfhumu yangu.”

Genesi 24:42

Aholu, muhuno, gikhati nyi vbohidego namboni, nyi di ganela, kheni: Uwe Pfhumu Nungungulu wa mune wangu Abrahama, gira gukhuwe liendro langu li katege.

Genesi 24:48

Nyi di khidzima mbeli ga Pfhumu Nungungulu; nyi bonga Pfhumu Nungungulu wa mune wangu Abrahama, a nga nyi gimbidzisa khu ndzila nya gudzegele gu nyi vbohisa wulanga nya gukodze gu mana gyanana gya ndruye wa mune wangu gasi gu khala mwangadzi wa gyanana gyaye.

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 27:10

“U na yisa ga babe wago aya hodza, afela gu gu kategisa na si gufi.”

Genesi 27:20

Isaki a di khuye: “U dzi kodzide kharini guvbiredzela gu sota girengo, mwanangu?” Jakobe a di hakha, khuye: “Kholu Pfhumu Nungungulu wago khuye a gi residego mbeli gwangu.”

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 31:42

Naripwani Nungungulu wa babe wangu Nungungulu Abrahama ni oyu a rungudzwago khu Isaki, kha nga nyi phasa, khu lisine nu nyi vbanganide nyambana gilo, nyi bwelela liphanga nyambana gilo mandzani. Aholu Nungungulu a wonide gusaniseka gwangu a wona mithumo ya mandza yangu, vbanova ni wutshigu a gu kawuka.”

Genesi 32:10

eni nyi mwalo fanelo nya wuhigo wago watshavbo ni gutumbega gwatshavbo u gu wonegisidego ga eni githumi gyago, kholu guta gwangu nyi tsemakanyide tsongo yoyu wa Joridhani na nyiri ni ndronga basi mandzani, olu nyi mune nya mitsawa mivili.

Genesi 32:9

Khavbo avbo, Jakobe a di ganela, khuye: “Oh, Nungungulu wa babe wangu Abrahama, Nungungulu wa babe wangu Isaki, Uwe Pfhumu Nungungulu u nyi embedego gukhuwe: Bwelela tigoni gwago nya mavelego, eni nyi na gu vhikela;”

Genesi 43:14

Nungungulu nya Tshivba Yatshavbo a na mi gire mu mane wuhindzi ga mwama yoyo, gasi mu kodze gu wuya ni ndriyanu a tshadego, gumogo ni Bhejami. Gasi eni, gwa gu vbwetega gupwani, nyi dzegedwa sanana sangu, basi nyi na kheni ginani, nyi na dzegedwe.”

1 Dzipfhumu 18:36

Avbo gu nga vbohago gikhati nya guningele miphaselo nya silambo, muprofeti Eliya a di hidzimela vbagiluvelotunu a ganela, khuye: “Uwe Nungungulu wa Abrahama, wa Isaki ni wa Jakobe, dzi wonegise muhuno gukhuwe, uwe khuwe, Nungungulu wa Israyeli, ni gukhuwe eni kheni githumi gyago. Wonegisa gukhuwe eni nyi giride satshavbo sesi khu guruma gwago.

2 Dzipfhumu 2:14

A dzega libhadzi la Eliya li nga mu thegelago, a veta khilo mati, a ganela, khuye: “U womo hayi Uwe Pfhumu Nungungulu wa Eliya?” Khavbo avbo, a di veta mati ma kabanega khu vbakari ma manega eno ni eno; Elizewu a vbindra khu vbakari.

Nehemiya 1:11

Olu Pfhumu! Nyi ngu gu lomba, u demba ndzeve, u yingisa nombelo wa eni githumi gyago, gumogo ni milombelo yatshavbo ya sithumi sago si golago gu rungudza Lina lago; nyi ngu gu lomba gukheni u kategisa eni githumi gyago, nyi kodze gu mana wuhigo muhuno mbeli ga mwama yoyu. “Kholu khu gikhati gyogyo eni nyi diri mu emeledzi nya meza ya mufumeli.”

Nehemiya 2:4

Mufumeli a di khuye: “Wa guvbweta gukhuwe olu nyi gu girela ginani?” Khavbo avbo, nyi di lombelela ga Nungungulu wa ndzadzini,

Dzindzimo 118:25

Khu wuhindzi wago Pfhumu Nungungulu, hi vbanyise! Hi ngu gu lomba, Pfhumu Nungungulu, hi kategise.

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Dzindzimo 127:1

Nyumba ya gumba vbahwa khu Pfhumu Nungungulu, thumo watshavbo wa vavbahi kha wu phasi gilo; lidhoropa la gumba woneledwa khu Pfhumu Nungungulu, vakhedziseli va gu pilekelana mahala.

Dzindzimo 37:5

Guvbanya gwago gu vege mandzani ga Pfhumu Nungungulu tumba uye, a na gira satshavbo.

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Mavingu 3:6

Alakanya Uye dzindzilani gwago gwatshavbo, Uye a na lulamisa dzindzila dzago.

Matewu 22:32

‘Eni kheni Nungungulu wa Abrahama, Nungungulu wa Isaki ni Nungungulu wa Jakobe,’ gani? Uye khandri Nungungulu wa va nya gufa, aholu, khwa va nya guvbanya!”

Vafilipi 4:6

Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.