Genesi 22:4 - Bhibhiliya Nya Guage

⁴ Khu litshigu nya wuraru, Abrahama a di khusa maho, a gu wona wulanga na ngari hwindzo.

Genesi 22:4 Iomraidhean Croise

Genesi 22:3

Khavbo avbo, Abrahama a di wuga ni dzimindru ngudzu, a ambagisa sighwabhata giburwana, a dzega sithumi saye sivili, ni mwanaye Isaki, a di koka dzikhuni nya miphaso, a bela ndzilani nya guhongole wulanga a nga leletedwago khu Nungungulu.

Genesi 22:5

A di embela sithumi saye, khuye: “Enu tshalani avba ni giburwana. Eni ni gyanana hi na vbindra hi hongola mbeli hi ya khozela. Hi na wuya nugunugu hi ta mu mana avba.”

2 Dzipfhumu 20:5

“Bwelela u ya embela Ezekhiya, muthangeli nya vathu vangu, khuwe: Pfhumu Nungungulu wa babe wago Dhavhidhe, a ngu ganela kharati, khuye: Nyi pwide nombelo wago, nyi wona ni marongo yago; nyi na gu vbanyisa; khu litshigu nya wuraru, u na gwela Nyumbani ga Pfhumu Nungungulu.

Esiteri 5:1

Na ma vbindride matshigu mararu, Esiteri a di ambala dzingandzu dzaye nya wupfhumugadzi, a ya bela nyumbani ga mufumeli vbafuvbi ni phatani nya wufumu. Mufumeli a di khade vbagikhalotunu gwaye nya wufumu gi khedzidego mwanyatunu.

Ekisodha 15:22

Khu hwane Mosi a di thangela va na Israyeli, va khuga khu phwani nya Gufuvile, va bela giwulani gya Suri. Va vbedzide matshigu mararu na va gu gimbila mugiwulani nyamba mana mati.

Ekisodha 19:11

Va na khale na va dzi dongisede litshigu nya wuraru, kholu khu litshigu nya wuraru, Pfhumu Nungungulu a na tshiga na gu wonwa khu vathu vatshavbo vbatshani nya gigomo gya Sinayi.

Ekisodha 19:15

A di embela vathu, khuye: “Dzi dongiseleni litshigu nya wuraru. Vbayegani malawu, mu nga tshangani ni nyamayi.”

Ekisodha 5:3

Avo va di mu embela gambe, khavo: “Nungungulu wa Vahebheru a dzi wonegiside gwathu; hi dzumedzise hi duga hi endra matshigu mararu mugiwulani hi ya girela miphaso nya dzimhamba Pfhumu Nungungulu wathu, gasi a si hi bayisi khu mitungu mwendro khu matshari.”

Hoseya 6:2

Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Levhi 7:17

Aholu nyama nya miphaso ya gu tshala kala litshigu nya wuraru, yi na vbiswa niloni.

Mitengo 10:33

Khu guralo, va di khuga khu gigomoni gya Pfhumu Nungungulu, va dzega pfhuka nya matshigu mararu; Ngasa nya Gidzumeledzwano gya Pfhumu Nungungulu, yi di thanga mbeli gwawe, pfhuka nya matshigu mararu gasi gu vbweta wulanga nya guhefemule avbo.

Mitengo 19:12

A na dzi agisa khu litshigu nya wuraru khu mati nya guagise, bwelo khavbo a dzi agisa khu litshigu nya livbandre na mavili; aholu a gumba dzi agisa khu litshigu nya wuraru, ni litshigu nya livbandre na mavili khu mati yoyo, uye kha na aga.

Mitengo 19:19

Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide.

Mitengo 31:19

Enu khalani vbavbandze nya lizumbo kala mu enedza livbandre na mavili matshigu, watshavbo wule a na gu bani na songide muthu nya gukari, ni watshavbo wule a nga kuhago girumbi, a na dzi agise khu litshigu nya wuraru ni litshigu nya livbandre na mavili, enu gumogo ni dzikhumbi dzanu.

Matewu 17:23

va na mu songa, aholu khu litshigu nya wuraru a na wuga.” Na va pwide esi, vapizane va di swihala ngudzu.

Luka 13:32

Jesu a di va hakha, khuye: “Indrani muya embela ngeheyo, khenu: Muhuno ni mindru nyi nga gu tutumisa maphuvbo nya guvivbe ni gu hawulugisa vadwali; khu litshigu nya wuraru nyi na vbedzisa.”

1 Vakorinto 15:4

Dzingidwe, a wuga khu litshigu nya wuraru, kha nga yi ganelago Milowo nya Guage.

Josuwa 1:11

“Vbindrani khu vbakari nya lizumbo mu leletela vathu, khenu: Dongiselani dzimbuva, kholu hwane nya matshigu mararu mu na tshatuga tsongo wa Joridhani, mu ya khozisa litigo eli Pfhumu Nungungulu wanu, a mi ningidego gu li fumela.”

1 Samuweli 26:13

Avbo Dhavhidhe a nga vbohago khu limbe liphuvbo, a di ema khu vbatshani nya gigomo, khu hwindzo na va hambanide khu pfhukha nya khongolo.