Genesi 21:6 - Bhibhiliya Nya Guage

⁶ Sara a di khuye: “Nungungulu a nyi ningide mahego, vatshavbo va na dzitigo va na hegelela gumogo ni eni.”

Genesi 21:6 Iomraidhean Croise

Genesi 17:17

Abrahama a di noga a dzi thesa vbavbatshi a hega, kholu a di gu ganela khu monyoni gwaye, khuye: “Ina mwama nya lizana (100) myaga a ngari ni tshivba nya gu dzi kodze guvelega gyanana, gani? Ahati Sara a gu na ni livbandre na mana magumi (90) myaga a na velega gyanana, gani?”

Dzindzimo 113:9

a ngu gira nyamayi nya gifule a vbanya pangoni khu gukhadzisega, a mu gira mayi nya wuzundzo nya sanana. Aleluya! A na dhumiswe Pfhumu Nungungulu!

Dzindzimo 126:2

Maganani gwathu gu di tala khu mahego nya gunengele, malimi yathu ma di kulungela; ni mambe mayigo ma di ganela, khayo: “Pfhumu Nungungulu a va girede silo sikhongolo.”

Isaya 49:15

Ina womo nyamayi a divalago gyanana gyaye gi nga gu mama, a si khathali khu gyanana a nga gi dusago khu mahembeni gwaye, gani? Ambari uye a gu divaledwa, eni gima kha nyi na nga divaledwa khuwe.

Isaya 49:21

Uwe u na ganela khu monyoni gwago, khuwe: “Khu mani a nyi velegedego sanana sesi? Kholu nyi fedwe khu sanana, kha nya nga tshuka nyi mana simbe; bwelo khavbo nyi diri mulegalegi wugumbini, khu mani a nyi sayisedego sanana sesi? Nyi di tshade na nyiri nyenga, gasi ava va diri hayi?”

Isaya 54:1

Embelela khu gutsaka uwe nyamayi nya gyumba, uwe u ngamba velega sanana; nengela khu gutsaka u womba kulungwane, uwe u ngamba lumwa; kholu sanana sa nyamayi a ngamba dzegwa si tade guvbindra sa nyamayi a gu ni mwama; a ngu ganela Pfhumu Nungungulu.

Jeremiya 20:15

A na vadwe muthu a bikedego babe wangu, mahungu nya gutsakise, khuye: “U velegedwe gyanana nya gikhwathana! A nengela ngudzu, khuye.”

Luka 1:14

Uwe u na tsaka ni gu nengela. Nya vangi va na tsaka khu guvelegwa gwaye,

Luka 1:58

Valongo ni vaakelane, na va wonide nya gukhavo Pfhumu yi mu tshude dzitshoni, va di tsaka naye.

Varoma 12:15

Nengelani ni vale va nengelago, mu lila ni vale va lilago.

Vahebheru 11:11

Khu gukhodwa, Sara nuye manide mathomo nya gukhure mimba a velega gyanana, ambari a nga bani a vbindredwe khu tanga nya guvelege. Uye a di khodwa gukhuye Nungungulu a na tadzisa gitumbiso gyaye.

1 Samuweli 1:26

Ana a di mu embela, khuye: “Yingisa mune wangu, nyi ngu sambanya khu womi wago, eni kheni nyamayi wule nyi nga bani nyi lombelela ga Pfhumu Nungungulu vbafuvbi nago.