Genesi 21:12 - Bhibhiliya Nya Guage

¹² Aholu Nungungulu a di mu embela, khuye: “U nga garadzegi khu kotani nya gyanana ni githumi gyago. Gira satshavbo esi Sara a gu embelago; kholu livelego li na gu wusago lina lago kala gupindruga khu Isaki

Genesi 21:12 Iomraidhean Croise

Genesi 17:19

Aholu, Nungungulu a di mu hakha, khuye: “Khu lisine, mwangadzi wago Sara a na gu ninga gyanana nya gikhwathana; u na gi riya lina nya gupwani khu Isaki. Nyi na tiyisa naye gidzumeledzwano gyangu, gi khala gidzumeledzwano nya gupindruge, nyi na khala Nungungulu waye ni melego waye, hwane gwaye.

Genesi 17:21

Aholu gidzumeledzwano gyangu nyi na hunga ni Isaki a na velegwago khu Sara mwaga wutago, khu matshigu nya nga aya.”

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Vagalatiya 4:30

Gasi Milowo nya Guage yari khiyo ginani? Yari, khiyo: Tutumisa nyamayi nya khumbi ni gyanana gyaye, kholu gyanana nya khumbi kha gi na hodza thomba gumogo ni gyanana gya mwangadzi nya lisine.

Vahebheru 11:18

Nungungulu a di mu embede, khuye: “Khu ga Isaki u na bani uri ni sanana.”

1 Samuweli 8:7

Pfhumu Nungungulu, a di phindrula Samuweli, khuye: “Yingisa gilombo gya vathu ni satshavbo va gu embelago, kholu avo kha va kanyisa uwe, aholu va di kanyisa Eni, gasi nyi si fumi vbakari gwawe.

1 Samuweli 8:9

Gasi olu, hakha gilombo gyawe, aholu va laye khu mathumelo ya mufumeli a na gu va fumelago khayo.”