Genesi 2:3 - Bhibhiliya Nya Guage

³ Nungungulu a di kategisa litshigu lolo nya livbandre na mavili, li khala litshigu nya guphasedwe Uye, kholu khilo litshigu a nga hefemula migaralo nya thumo watshavbo nya guvange, owu Nungungulu a nga wu thumago.

Genesi 2:3 Iomraidhean Croise

Genesi 1:31

Nungungulu a di wona gukhuye sigiro Saye satshavbo si diri sadi ngudzu. Li di pfola, li gugya: Litshigu nya livbandre na limwedo.

Genesi 2:2

Khu litshigu nya livbandre na mavili, Nungungulu, na vbedzide thumo waye watshavbo a wu giridego, a di hefemula.

Genesi 2:4

Owu khuwo sasamedzo nya matimo nya guvangwe ndzadzi ni mafu, gikhati Pfhumu Nungungulu a giridego ndzadzi ni mafu.

Nehemiya 9:14

U va giride vati litshigu lago nya guage Sabhadho, khu lito la githumi gyago Mosi, U va tivisa sirumo, sileletelo ni nayo.

Ekisodha 23:12

Umo nya livbandre na limwedo matshigu u na thuma mithumo yago, aholu khu litshigu nya livbandre na mavili u na diga gu thuma, u hefemula; gu na hefemula mombe yago, buru yago, gyanana gya khumbi yago ni muluveli a vbanyago tigoni gwanu va na hefemula navo.

Ekisodha 34:21

U na thuma livbandre na limwedo matshigu, aholu u na hefemula khu eli nya livbandre na mavili, ambari nari nango nya gilimo mwendro nya guvbwere.

Mavingu 10:22

Gikategiso gya Pfhumu Nungungulu gya gu resa gufuma, gambe gu dzi garadza gwathu kha gu engedzeli gilo avbo.

Ezekiyeli 20:12

Nyi va ningide gambe dzisabhadho dzangu, dzi khale kha nga giyeyedzo vbakari gwawe, gasi va kodze guti gu gukhavo eni kheni Pfhumu Nungungulu, nyi va agisago.

Levhi 23:3

Mu na thuma livbandre na limwedo matshigu, aholu eli nya livbandre na mavili, litshigu nya Sabhadho nya guhefemule, nya tshangano nya guage. Mu nga thumi thumo khu litshigu lolo. Litshigu nya Sabhadho nya gurungudze Pfhumu Nungungulu, malangani gwatshavbo mu vbanyago umo.

Marko 2:27

A di engedza gambe, khuye: “Sabhadho yi di giredwa muthu, khandri muthu a nga giredwa Sabhadho;

Luka 23:56

Na va wide gaya, va dita dongisela mafura. Khu Sabhadho va di hefemula, kha nga guruma nya Nayo.