Genesi 19:2 - Bhibhiliya Nya Guage

² A di ganela, khuye: “Nyi ngu mi lombani dzipfhumu dzangu! Belani nyumbani ga githumi gyanu, nyi na mu handza mawundru gasi mu hefemule wutshigu wowu; mindru mu na vindrugela gu bela ndzilani gwanu.” Aholu avo va di hakha, khavo: “Ahihi. Ethu ha gu vbweta gu khala vbavbandze.”

Genesi 19:2 Iomraidhean Croise

Genesi 18:4

Nyi na rumela gu reswe mati madugwana mu ta hambani mawundru, mu hefemula mutsani nya simbo yoyu.

Genesi 19:1

Gupfolani nya lidambo, gikhati dzingilozi dza dzimbili dzi nga vbohago dhoropani gwa Sodhoma, Loti a di khade nyangwani nya lidhoropa. Na wone dzingilozi, Loti a di khuga a dzi khinga aya khidzima a gu tsitsa khovbe vbavbatshi.

Genesi 19:3

Aholu Loti a di va gurumedza kala avo va dzumela gu bela nyumbani gwaye. A di va dongisela guhodza, a va girela sibaba nyambana mela, va hodza.

Genesi 24:31

A di mu embela, khuye: Delu nya gukatege wa Pfhumu Nungungulu, khu ginani u khalago vbavbandze yoyo? Eni nyi dongisede nyumba ni wulanga nya dzingameriya.”

Genesi 43:24

Muthangeli wule a di va bedza nyumbani ga Josefe; a va ninga mati va hamba mawundru; a va ninga gambe mwasi sirengo sawe.

2 Samuweli 11:8

Khu hwane Dhavhidhe a di embela Uriya, khuye: “Indra gaya gwago uya hamba migondro yago.” Avbo Uriya a nga dugago khu nyumbani nya wufumu, a di landredwa khu giningwa nya gudugele nyumbani ga mufumeli.

Joba 31:32

Vaendri va di si lali makondroni; kholu lidimba langu li di tulegide gikhati gyatshavbo gasi gu va hakha.

Mavingu 25:17

U nga tadzi migondro ndrangani ga muakelane wago, kholu, a nga garala khuwe, a phela gu gu venga.

Gizimba 5:3

Mwangadzi —Nyi tshude guambala gwangu; nyi bwelo khavbo nyi gu ambala gambe, gani? Nyi hambide migondro, nyi na bwelo nyi mi thela gambe ndzilo, gani?

Luka 7:44

A di thendregedza a gu khedza nyamayi wule, a embela Simoni, khuye: “U ngu mu wona nyamayi yoyu? Eni nyi bede ndrangani gwago, khwa nyi ninga mati nya guhandze migondro yangu; gasi uye a nyi handzide migondro khu marongo yaye, bwelo khavbo a yi bavbulela khu ndzudzu waye.

Johane 13:5

Khavbo avbo, a di thela mati gyomboni, a phela gu handza migondro vapizane, a va bavbula khu tuwayi a nga bani a sumede.

Mithumo 16:15

Hwane nya gu bani a bhapatisidwe uye ni ndranga yaye yatshavbo, a di hi lomba, khuye: “Mwa gu wona gukhenu eni nyi muthu a khodwego ga Pfhumu, belani nyumbani gwangu mu khale.” A di hi gurumedza gu bela.

Vahebheru 13:2

Mu nga divali gu hakha vapfhumba, kholu, vambe, khu gu hakha vapfhumba, va hakhide dzingilozi nyamba dziti.