Genesi 17:3 - Bhibhiliya Nya Guage

³ Abrama a di noga, a tsitsa khovbe vbavbatshi, Nungungulu a mu embela, khuye:

Genesi 17:3 Iomraidhean Croise

Genesi 17:17

Abrahama a di noga a dzi thesa vbavbatshi a hega, kholu a di gu ganela khu monyoni gwaye, khuye: “Ina mwama nya lizana (100) myaga a ngari ni tshivba nya gu dzi kodze guvelega gyanana, gani? Ahati Sara a gu na ni livbandre na mana magumi (90) myaga a na velega gyanana, gani?”

Genesi 18:2

Na khuside maho a di wona madhota mararu na ma emide vbafuvbi gwaye. Avbo a nga ma wona, a di khuga vbamwanyatunu nya tshatsha waye a tutuma a va khinga aya khidzima vbavbatshi,

1 Dzipfhumu 18:39

Avbo vathu vatshavbo, va si wonego esi, va di thega va tsitsa khu dzikhovbe, va ganela, khavo: “Pfhumu basi khuye a gu Nungungulu! Pfhumu basi khuye a gu Nungungulu!”

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Ezekiyeli 1:28

Gu di gira kha nga khwatshi wulaho wa nyazimu mapfhini litshigu nya guwe ndzadzi, gu diri kharati gungangamela gu nga bani gu mu randrede. Igyogyo a diri gilo nya gufanane ni wudhumo wa Pfhumu Nungungulu. Gikhati nyi nga wu wona, nyi di thega khu khovbe vbavbatshi, gambe nyi dipwa lito nya muthu nya gukari na gu ganela.

Ezekiyeli 3:23

Khavbo avbo, nyi di khuga nyi hongola panini. Iyoyo wu diromo wudhumo wa Pfhumu Nungungulu, gu fanana ni uwo nyi nga wu wona vbafuvbi ni tsongo wa Kebhari. Nyi di thega vbavbatshi khu khovbe,

Ezekiyeli 9:8

Gikhati va nga bani va gu songetela vathu, eni nyi di tshala nyenga. Nyi thega khu khovbe vbavbatshi, nyi lila, nyi ganela, kheni: “Uwe! Mune Pfhumu Nungungulu! Ina wa guvbweta gu guhula likhulo lago vbatshani ga Jerusalema, u vbedzisa mitshaledwa ya Israyeli, gani?”

Dhaniyeli 10:9

Khavbo avbo, nyi dipwa lito nya magana yaye, avbo nyi nga pwago magana yaye, nyi di thega khu khovbe mafuni, nyi titivala.

Mitengo 14:5

Khavbo avbo, Mosi ni Aroni va di thega khu khovbe vbavbatshi mbeli nya tshangano watshavbo wa na Israyeli.

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Mitengo 16:45

“Khugani khu vbakari nya tshangano yoyo, kholu nya gu vbweta gu va mbembisa kamwe olu.” Khavbo avbo va di thega va tsitsa khu dzikhovbe mafuni.

Matewu 17:6

Na va pwide mahungu yaya, vapizane va di thega vbavbatshi khu khovbe na va tade khu hwanga.

Josuwa 5:14

Uye a di hakha, khuye: “Ahihi, eni nyi muthangeli nya nyimbi ya Pfhumu Nungungulu, olu nyi womo avba.” Josuwa a di noga a thega vbavbatshi khu khovbe, a mu wudzisa, khuye: “Ginani u gu nagyo pfhumu yangu gasi gu embela githumi gyago?”

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Valamuli 13:20

Avbo malavbelavbe nya nilo nya giluvelo wu nga gwela guya ndzadzini, Ngilozi ya Pfhumu yi di gwela niyo na yiri niloni. Avbo Manowa ni mwangadzi waye va nga si wona, va di thega vbavbatshi khu dzikhovbe.