Genesi 16:7 - Bhibhiliya Nya Guage

⁷ Ngilozi ya Pfhumu Nungungulu yi di ya mu mana giwulani, vbafuvbi ni gifefe nya mati ndzilani nya guye Suri.

Genesi 16:7 Iomraidhean Croise

Genesi 20:1

Abrahama a di khuga vbale a gu hongola tigoni gwa Negebhi, aya vbaha wulanga nya gu eno a wona lidhoropa la Kadesi, eno na ga wona lidhoropa la Suri. A di ya vbanya tigoni gwa Gerari.

Genesi 21:17

Nungungulu a di pwa khu ndzadzini gulila nya gyanana, ngilozi ya Nungungulu yi di rana Agari, khiyo: “Ginani u gu nagyo, Agari? U nga thavi, kholu Nungungulu pwide lito nya gyanana wulangani gi guromo avbo.

Genesi 21:18

Khusa gyanana, gi wugarele gwadi, kholu khu igyo, nyi na wusa litigo nya likhongolo.”

Genesi 21:19

Nungungulu a di tula maho Agari, uye a di wona nambo. A diya tadza kanvu khu mati a ninga gyanana gi sela.

Genesi 22:11

Aholu, ngilozi ya Nungungulu yi di mu rana khu vbatshani Ndzadzini, khiyo: “Abrahama! Abrahama!” Uye a di hakha, khuye: “Nyi womo avba.”

Genesi 22:15

Khavbo avbo, ngilozi ya Nungungulu yi di rana gambe Abrahama nya wuvili khu vbatshani ndzadzini,

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 25:18

Sanana saye si di vbaha gukhugela Havila kala Suri, gu khalago vbinganoni ni Egipito phuvbo nya guye Asuri. Vbahide wulanga wule na gu wonwa khu vandriyaye.

Genesi 31:11

Ngilozi ya Pfhumu Nungungulu yi di nyi tivisa khu ndroroni, khiyo: “Jakobe!” Eni nyi di thana, kheni: “Nyi womo avba.”

Ekisodha 15:22

Khu hwane Mosi a di thangela va na Israyeli, va khuga khu phwani nya Gufuvile, va bela giwulani gya Suri. Va vbedzide matshigu mararu na va gu gimbila mugiwulani nyamba mana mati.

Ekisodha 3:2

Avbovbo, Ngilozi ya Pfhumu Nungungulu yi di dzi wonegisa gwaye vbakari nya malavbelavbe nya nilo mugipopwanani. Mosi a di ema a khedzisela gipopo gi nga bani gi khondra, aholu gi di si tsagami.

Mavingu 15:3

Maho ya Pfhumu Nungungulu momo malangani yatshavbo, a khedza va nya guvivbedwa khu monyo ni va nya gululama.

1 Samuweli 15:7

Khavbo avbo, Sawule a di sasela Vaamaleki, gukhugela Havhila kala gu vboha Suri, a khadego gukhedzana ni Egipito.