Genesi 16:2 - Bhibhiliya Nya Guage

² Sarayi a di embela Abrama, khuye: “Kha nga olu Pfhumu Nungungulu a ngamba nyi ninga guvelega, nyi ngu gu lomba u dzega githumi gyangu nya nyamayi. Mwendro a gu dzina saye khavbo gwaye, nyi na mana sanana.” Abrama a di dzumela mawonelo ya Sarayi.

Genesi 16:2 Iomraidhean Croise

Genesi 11:30

Aholu Sarayi a diri gyumba, a diri mwalo sanana.

Genesi 17:16

Kholu nyi na gu kategisa khavbo gwaye; nyi na gu ninga gyanana nya gikhwathana; nyi na mu kategisa, a na khala mayi nya mayigo, khu ndrani gwaye gu na velegwa dzipfhumu nya mayigo.”

Genesi 18:10

Moyo nya avo a di engedza, khuye: “Mwakani, nyi na wuya gambe ndrangani gwago, mwangadzi wago Sara a na bani nari ni gyanana.” Sara a di yingisela satshavbo, khu hwane nya lidimba nya tshatsha.

Genesi 19:31

Khavbo avbo, nyamahegyane nya koma a di embela nandra waye, khuye: “Babe wathu gumbide, ni gu gambe mwalo mwama tigoni momu nya gute hi ta patana naye kha nga tumbunugo nya litigo latshavbo.

Genesi 20:18

Kholu Pfhumu Nungungulu a di bangisa mahembe ya vanyamayi vatshavbo va ndrangani ga Abhimeleki, va khala sifule khu kotani ya Sara, mwangadzi wa Abrahama.

Genesi 25:21

Isaki a di lomba gikategiso ga Pfhumu Nungungulu, a lombelela mwangadzi waye a nga bani nari gyumba. Pfhumu Nungungulu a dipwa nombelo waye, mwangadzi waye Rebheka a di khura mimba.

Genesi 3:12

Mwama a di hakha, khuye: “Nyamayi u nga nyi ningago gu khala mubangaladzi wangu, khuye a nga nyi ninga handro nya simbo yoyo, eni nyi wu hodza.”

Genesi 3:17

Khavbo avbo, Pfhumu Nungungulu a di embela mwama, khuye: “Olu u nga yingisa mwangadzi wago u gu hodza handro nya simbo nyi nga gu himbedzelago gu wu hodza, mafu ma na vadwa khu kotani yago; matshigu yatshavbo nya guvbanye gwago, u na garadzega ngudzu gasi gu mana guhodza nya mihandro ya mafuni.

Genesi 30:22

Nungungulu a di alakanya Rakeli, a mupwa a mu ninga livelego.

Genesi 30:6

Khavbo avbo, Rakeli a di ganela, khuye: “Nungungulu a nyi lamude, pwide lito langu a nyi ningide gyanana.” A di gi riya lina nya gupwani khu Dhani.

Dzindzimo 127:3

Sanana giningwa hi hakhago khu ga Pfhumu Nungungulu, gu mana sanana gukatega.

Ekisodha 21:4

A gu bani mune waye a yi ningide nyamayi, nyamayi yoyu a gu velega sanana nya sikhwathana mwendro sagadzyana, nyamayi ni sanana sa gu lumba mune waye, khumbi nya mwama yi na duga yonga.

Rute 4:11

Vathu vatshavbo va nga bani varomo vbatshanganotunu, gumogo ni madhota va di hakha, khavo: “Ethu hi dzifakazi, Pfhumu Nungungulu, a na gire nyamayi yoyo a belago muhuno nyumbani gwago, kha nga Rakeli ni Liya, khu wuvili wawe va vbahidego nyumba ya Israyeli. Khu guralo, uwe Bhowazi tiya longo omu Ewufrate, ni lina lago li na dhumiswe omu Bhetlehema.