Genesi 15:9 - Bhibhiliya Nya Guage

⁹ Pfhumu Nungungulu a di mu hakha, khuye: “Nyi resele gimombyana nya nyamayi, phongo nya nyamayi ni nvutana; satshavbo nya myaga miraru nya guvelegwe. U resa gambe lituva ni gipomba.”

Genesi 15:9 Iomraidhean Croise

Genesi 15:10

Abrama a di ya dzega sirengo soso satshavbo, a si hapfha, a si kabanisa khu vbakari, a gu vega gipandre ni gipandre mbeli ga gikwawe; aholu, sinyoni basi khiso a ngamba si kabanisa khu vbakari.

Genesi 15:8

Abrama a di wudzisa, khuye: “Pfhumu Nungungulu nyi na dziti kharini gukheni litigo leli li na khala thomba yangu khu lisine?”

Genesi 22:13

Khavbo avbo, Abrahama a di khusa maho, a wona nvuta mweyo na yi khwetede khu dzikeho misimboni. A di yi dzega a gu gira khiyo mhamba nya miphaso nya guvbiswe, a dzegisa khiyo mwanaye.

Dzindzimo 50:5

“Tombanisani va nya guaga vangu, vale va nga hunga gidzumeledzwano ni eni khu miphaso.”

Gizimba 2:12

Senge si ngu wonega tigoni, gi vbohide gikhati sinyoni si embelelago dzindzimo olu tigoni gwathu, gupwala matuva na ma gu embelela.

Isaya 15:5

Monyo wangu wu ngu lila khu kotani ya Mowabhi; vathu vaye nya guthavisege, va thavede tigoni ga Zowari, gu fanana ni gimombyana nya myaga miraru; kholu va gu lila na va gu gwela khu gigomo gya Luwiti, va gimbila na gu womba huwa khu ndzila yiyago Horonayimi, na va guwomba dzihuwa nya wuvi.

Levhi 1:10

A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa.

Levhi 1:14

Muthu a gu dusela Pfhumu Nungungulu ningelo nya guvbiswe, wa gu bani wuri wa sinyoni, a na resa matuva mwendro sifondro nya sipomba.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 12:6

Gikhati a enedzago matshigu nya guagiswe gwaye, gani gikhwathana ambari nari gyagadzyana, a nata bikela ga muphasi nya mhamba, nyangwatunu nya Tshatsha nya Tshangano, nvuta nya mwaga moyo, gasi gu gira phaso nya guvbiswe, ni gifondro nya lituva a gira phaso nya gughohe.

Levhi 12:8

Aholu a gu hamuga nvuta, a ngu dzi kodza gu bikela sifondro sivili nya matuva. Gifondro gimwegyo nya phaso nya guvbiswe, ni gimbe nya gughohe. Muphasi nya mhamba, a na mu girela nayo nya phaso nya gulivbe nandru, khavbo avbo a na agiswa.”

Levhi 14:22

A na dzega gambe, gukhedza khu gumanela gwaye, matuva mavili mwendro sipomba sivili: Limwedo nya gugire khilo phaso nya ditshedzo, limbe nya phaso nya guvbiswe.

Levhi 14:30

Khavbo avbo, a na ningela lituva limwedo mwendro gipomba gimwegyo, gukhedza khu gumanela gwaye.

Levhi 3:1

Muthu a gu bikela ningelo wuri wa mhamba nya patano, khu mombe nya kuzi, mwendro nya ngadzi, gu vbwetega nyamba hasa, a yi bikela mbeli ga Pfhumu Nungungulu.

Levhi 3:6

Muthu a guya bikela ga Pfhumu Nungungulu ningelo nya phaso nya patano khu girengo nya gidugwana, fanede gu hatha matune mwendro ngadzi nyamba hasa.

Levhi 9:2

a embela Aroni, khuye: “Dzega gikuzyana u ta ninga ningelo nya phaso nya ditshedzo, ni nvuta nya guta gire ningelo nya phaso nya guvbiswe, sirengo sa sivili, gu vbwetega nyamba hasa, gasi uta si bikela ga Pfhumu Nungungulu.

Levhi 9:4

kuzi ni nvuta muta si gira mhamba nya phaso nya pwanano, muta paya mbeli ga Pfhumu Nungungulu, ni ningelo nya wuguvbi nya gusugwe khu mafura, kholu muhuno Pfhumu Nungungulu a nata dzi wonegisa gwanu.”

Luka 2:24

ni guya gira ningelo nya matuva mavili, khonge ni mbaha mwendro sipombana sivili, kha nga guruma nya Nayo wa Pfhumu.