Genesi 13:16 - Bhibhiliya Nya Guage

¹⁶ Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Genesi 13:16 Iomraidhean Croise

Genesi 15:5

Nungungulu a di ruma Abrama gu duga vbavbandze nya nyumba, a mu embela, khuye: “Khusa maho yago u khedzisa vbatshani damboni, wona mwendro u ngu dzi khodza gu saya tengo nya dzinyeledzi. Khidzo wu na bani wuri idzo sayo nya situgulwana nya livelego lago.”

Genesi 16:10

Ngilozi yi di engedza gambe, khiyo: “Nyi na andrisa melego wago, situgulwana sago si na tala ngudzu nyambana muthu nya gu dzi kodze gu si saya.”

Genesi 17:16

Kholu nyi na gu kategisa khavbo gwaye; nyi na gu ninga gyanana nya gikhwathana; nyi na mu kategisa, a na khala mayi nya mayigo, khu ndrani gwaye gu na velegwa dzipfhumu nya mayigo.”

Genesi 17:2

Nya gu vbweta gu gira pwanano nago nyi dandrisa tengo nya situgulwana sago si tala nyambana pimo.”

Genesi 17:20

Nyi pwide gambe nombelo u giridego khu Ismayeli: Nyi na mu kategisa nuye, nyi na mu ninga livelego nya likhongolo ngudzu, a na andra khu tshivba ngudzu. A na velega likhumi na mavili mafumbu. A na khala babe nya litigo nya likhongolo ngudzu.

Genesi 17:6

Nyi na gu ninga livelego nya lingi; nyi na gu gira u velega mayigo, ga situgulwana sago gu na duga dzipfhumu.

Genesi 18:18

Olu Abrahama a na khalago nyapandre nya lihundzu nya likhongolo nya tshivba, khavbo gwaye ma na kategiswago mahundzu yatshavbo nya vathu va mafuni, gani?

Genesi 21:13

Aholu khavbo ga gyanana gya khumbi, nyi na wusa gambe litigo nya likhongolo, kholu khwa livelego lago.”

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

Genesi 26:4

Nyi na andrisa livelego lago kha nga dzinyeledzi dza ndzadzini, nyi na gu ninga mayigo yaya yatshavbo. Khavbo nya melego wago, ma na kategiswa mafumbu yatshavbo nya vathu va tigoni,

Genesi 28:14

Sanana sago si na tala ngudzu kha nga mafu ya tigoni; u na nava uya Muhwadambo ni Khugadambo, Wuronga ni Marandzi. Mahundzu nya vathu vatshavbo va tigoni, ma na kategiswa khavbo gwago ni ga livelego lago.

Genesi 28:3

Nungungulu nya Tshivba Yatshavbo a na gu kategise, a gu dandrisa ni gu gu andrisa gasi u khale talo nya mahundzu!

Genesi 32:12

Khuwe u nga ganelago, khuwe: “Nyi na gu tadza khu makategwa, nyi na gira livelego lago li tala kha nga mafu nya fungu wa phwani, wu tandrwago gu saywa tengo wakone.”

Genesi 32:13

Jakobe a di lala vbale wutshigu wowo, a gu hatha vbakari nya silo saye, sagwati nya guninge ndriyaye Esawu, khuye:

Genesi 35:11

A di engedza gambe a mu embela, khuye: Eni kheni Nungungulu nya Tshivba Yatshavbo; uwe u na andra u velegelana, khavbo gwago gu na velegwa dhudhudhu nya mayigo ni vathu nya gutale ngudzu;

Genesi 46:3

Khavbo avbo, Nungungulu a di engedza, khuye: Eni kheni Nungungulu wa babe wago; u nga kanakani gu relela tigoni ga Egipito, kholu nyi na ya gu gira iyo litigo nya likhongolo.

1 Dzipfhumu 3:8

Eni githumi gyago nyi womo vbakari ga vathu vago u va hathidego, vathu nya vangi, nyamba kodza sayedwa ni gu tidwa tengo wawe, khu talo wawe.

1 Dzipfhumu 4:20

Vathu va na Israyeli ni va na Judha, va diri vangi ngudzu nga fungu wa phwani; va di hodza, va sela, va vbanya na va tangade.

2 Dzipfhumu 13:23

Aholu Pfhumu Nungungulu a di va pwela gisiro, a va girela wuhindzi, a va tsetselela khu lihaladzo laye nya pwanano a giridego ni Abrahama, Isaki ni Jakobe; a si dzumeli gu va mbembisa ni gu va dzudzuga hwindzo ni khovbe yaye.

1 Dzikoronika 21:5

Jowabhi a di ta ningela ga Dhavhidhe, tengo nya gilovela nya vathu; tigoni ga Israyeli gu diri ni likhulukhulu ni lizana magumi mazana (1.100.000) vama nya guphare matshari; tigoni ga Judha va diri mazana mana ni livbandre na mavili magumi magumi mazana (470.000) vama nya guphare matshari.

1 Dzikoronika 27:23

Avo nya tanga nya magumavili myaga guya hwane, Dhavhidhe, kha nga va thela tengoni, kholu Pfhumu Nungungulu, a di ganede, khuye: Nyi na andrisa Israyeli kha nga dzinyeledzi dza ndzadzini.

2 Dzikoronika 1:9

Gasi olu Pfhumu Nungungulu, tiyisa magana yago, u nga ganelago ga babe wangu Dhavhidhe; kholu U nyi emiside gu khala mufumeli ga vathu nya gutale kha nga kudzudzwane nya mafu.

Joba 5:25

Gambe u na wona livelego lago li andra, vatugulu vago va fanana ni mwasi wa mafuni.

Ekisodha 1:7

aholu sanana sa Israyeli si diya na si gu engedzela gu velegelana khu tshivba. Si di pandregelana si andra kala va tadza litigo latshavbo la Egipito.

Ekisodha 32:13

Dundruga Abrahama, Isaki ni Jakobe, sithumi sago, u nga va sambanyelago khu Lina lago, khuwe: Livelego lanu li na tala li andra gu fanana ni dzinyeledzi dza ndzadzini, nyi na ninga sanana sanu litigo leli nyi nga mi embelani, li khala thomba yanu kala gupindruga.”

Jeremiya 33:22

Livelego la githumi gyangu Dhavhidhe, ni la va na Levhi va nyi thumelago, nyi na va gira va tala kha nga dzinyeledzi dza ndzadzini, ni fungo wa phwani nyamba pimwa.

Mitengo 23:10

Khu mani a na gu sayago vathu va Jakobe, vale va tadego kha nga mafu? Ambari guti tengo nya gipandre nya wu na gya Israyeli? Nyi nafe khu mafelo ya valulamidego, mahegiso yangu ma na fanane ni yawe.”

Dhewuteronome 1:10

Pfhumu Nungungulu wanu, a mi andriside ngudzu, muhuno mu vathu nya vangi ngudzu kha nga dzinyeledzi dza ndzadzini.

Vahebheru 11:12

Gambe, khu ga muthu moyo a nga bani a gu sayedwa nga muthu a fudego, gu velegidwe sanana nya gutale ngudzu nga dzinyeledzi dza ndzadzini, nyambana tengo nga mafu nya fungu wa phwani.

Gutuledwa 7:9

Hwane nya isoso nyi di wona mwandra nya wungi ngudzu nya vathu nya mayigo, mahundzu, mafumbu, malimi yatshavbo, a gu mwalo muthu a dzi kodzago gu wu saya. Va di emide mbeli nya gikhalo nya wufumu ni mbeli nya Nvutana, na va ambade dzingandzu nya guage, va phara migindru mandzani.

Valamuli 6:3

Gikhati gyatshavbo va na Israyeli va nga bani na va gu yala, gu dita Vamedhiyani, Vaamaleki ni mambe mafumbo ya Khugadambo ma ta va dhumela.

Valamuli 6:5

Kholu avo va dita ni sifuyo sawe gumogo ni mitshatsha yawe; avo gumogo ni dzingameriya dzawe, va diri vangi ngudzu kha nga dzimbera nya gutale nyambana tengo; va dita gasi guta khungumula litigo.