Genesi 12:7 - Bhibhiliya Nya Guage

⁷ Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 12:7 Iomraidhean Croise

Genesi 12:8

A di khuga khu vbale a gu hongola mbeli kala gigomoni gi guromo phuvbo ga Khugadambo ga lidhoropa la Bheteli. A di tsitsa avbo mitshatsha yaye na gu wona Bheteli khu Muhwadambo, ni Hayi khu Khugadambo; a di gira gambe giluvelo a gu phasela avbo lina la Pfhumu Nungungulu.

Genesi 13:15

Kholu litigo latshavbo u li wonago, nyi na gu ninga uwe ni sanana sago kala gupindruga.

Genesi 13:17

Olu dzuwulugela u wona litigo leli khu maphuvbo yatshavbo, kholu nyi na gu ninga li khala lago.”

Genesi 13:18

Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 13:4

wulanga wule a nga vbahago avbo giluvelo nya guphele. Khavbo vbale a nga gira miphaso a gu rana lina la Pfhumu Nungungulu.

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 17:3

Abrama a di noga, a tsitsa khovbe vbavbatshi, Nungungulu a mu embela, khuye:

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Genesi 18:1

Pfhumu Nungungulu a di dzi wonegisa avbo ga Abrahama vbafuvbi ni miguhu ya Mambre, na khade mwanyani nya tshatsha waye, ni vbakari nya mihani.

Genesi 22:9

Na va vbohide wulanga wule va nga leletedwago khu Nungungulu, Abrahama a di gira giluvelo, a gu handzega avbo dzikhuni, a hunga mwanaye Isaki, a mu handzega vbadzikhunitunu vbatshani nya giluvelo.

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 26:25

Isaki a di vbaha giluvelo wulanga wule, a rana lina la Pfhumu Nungungulu; khu hwane a di vbaha tshatsha waye wulanga wule, sithumi saye si di pola nambo vbale.

Genesi 26:3

Vbanya umo matshigu nya gukari, Eni nyi womo gwago, nyi na gu kategisa, kholu Eni nyi na ninga uwe ni sanana sago mayigo yaya yatshavbo, nyi na tadzisa gisambanyo nyi giridego ga babe wago Abrahama.

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 28:4

A na gu kategise uwe gumogo ni livelego lago, kha nga gikategiso gya Abrahama, gasi u fela gu hodza thomba nya litigo u luvelago umo, eli Nungungulu a li ningidego Abrahama.”

Genesi 32:30

Jakobe a di rana wulanga wule khuye Penuweli, kholu a di khuye: “Nyi wonide Nungungulu khovbe ni khovbe, aholu nyi ngu simama nyi vbanya.”

Genesi 33:20

A di emisa giluvelo wulanga wule, a gi rana khu lina nya gukhuye “Eli, Nungungulu wa Israyeli.”

Genesi 35:12

Nyi na gu ninga litigo nyi ningidego Abrahama ni Isaki; nyi na ninga gambe sanana sago, hwane gwago.”

Genesi 35:7

A di vbaha vbale giluvelo, a rana wulanga wule khuye Eli-Bheteli, kholu khavbo Pfhumu Nungungulu a dzi wonegisidego gwaye, gikhati a nga bani na gututuma khu gu thava ndriyaye.

Genesi 50:24

Josefa a di embela vandriyaye, khuye: “Eni nyi ngufa; aholu Nungungulu khu lisine a na mi holelani, a na mi dusani khu tigoni momu, a mi yisa ga litigo a sambanyidego gu ninga Abrahama, Isaki ni Jakobe.”

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

2 Samuweli 24:25

Dhavhidhe a di vbaha vbale, giluvelo gya Pfhumu Nungungulu, a ningela avbo miphaselo nya guvbiswe, ni miningelo nya gurule. Khavbo avbo, likhulo la Pfhumu Nungungulu li di bosa, tigoni gu vbela tungu wule a nga reselago va na Israyeli.

1 Dzipfhumu 18:32

Khu siwindri soso, a di vbaha giluvelo nya gurungudze avbo lina la Pfhumu Nungungulu. A di kemba sele wubambe nya giluvelo, gu dingana mipimo mivili nya dzimbewu.

1 Dzikoronika 16:16

ni gidzumeledzwano a giridego ni Abrahama ni gisambanyo a giridego ni Isaki;

1 Dzikoronika 16:18

khuye: Nyi na gu ninga litigo la Khanani, li khala gipandre nya thomba yago.

2 Dzikoronika 20:11

nga wona tshatshazelo va hi ningago! Va guvbweta gu hi lundra ga thomba U hi ningidego.

2 Dzikoronika 20:7

Ina Uwe Pfhumu Nungungulu wathu, khandri Uwe U tutumisidego vathu va nga bani va vbahide tigoni momu U li ningela ga vathu vago va na Israyeli, U li ningela kala gupindruga ga sanana sa Abrahama, pari yago, gani?

Ezira 3:2

A di khuga Jesuwa, mwamana wa Jozadhaki, ni va ndriyaye, vaphasi nya mhamba ni Zorobhabheli, mwamana wa Salatiyeli, gumogo ni vandriyaye, va ya vbaha giluvelo gya Nungungulu wa na Israyeli gasi va kodza gu payela avbo sifuyo nya miphaso nya guvbiswe, kha nga idzo gu lovidwego khidzo umo nya Nayo wa Mosi, muthu wa Nungungulu.

Ekisodha 17:15

Mosi a di gira giluvelo a gi rana khu lina nya gupwani: “Pfhumu Nungungulu khuye Ngavbya yangu.”

Ekisodha 24:4

Mosi a di lova magana yatshavbo ya Pfhumu Nungungulu. A di wuga ni dzimindru ngudzu, a gira giluvelo vbavbatshi nya gigomo, a di vbaha likhumi na mavili madingo, gukhedza khu likhumi na mavili mahundzu ya Israyeli.

Ekisodha 32:13

Dundruga Abrahama, Isaki ni Jakobe, sithumi sago, u nga va sambanyelago khu Lina lago, khuwe: Livelego lanu li na tala li andra gu fanana ni dzinyeledzi dza ndzadzini, nyi na ninga sanana sanu litigo leli nyi nga mi embelani, li khala thomba yanu kala gupindruga.”

Ekisodha 33:1

Pfhumu Nungungulu a di embela Mosi, khuye: “Khuga khu wulanga wowu, u hongola gumogo ni vathu u va dusidego khu tigoni ga Egipito. Indrani tigoni nyi tumbisidego gu ninga Abrahama, Isaki ni Jakobe, khu gusambanya, kheni: Nyi na ninga sanana sago.

Ekisodha 6:3

Nyi dzi wonegiside ga Abrahama, ga Isaki ni ga Jakobe, kha nga Nungungulu nya Tshivba Yatshavbo, aholu, khu lina langu nya Pfhumu Nungungulu kha nya tidwa gwadi.

Ekisodha 6:4

Gambe nyi giride nago gidzumeledzwano gyangu, gasi gu va ninga litigo la Khanani, litigo va nga vbanyago umo kha nga valuveli.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Mitengo 26:53

Ava khavo va na kabanisedwa litigo gasi gu khala thomba yawe, gukhedza khu tengo nya malina yawe.

Mitengo 32:11

Khu lisine, vathu vatshavbo va dugidego khu tigoni ga Egipito, gukhugela avo va gu ni tanga nya magumavili myaga guya mbeli, gima kha va na li wona litigo leli nyi sambanyidego gu ninga Abrahama, Isaki ni Jakobe; kholu kha va tumbega va nyi landrela.

Mithumo 7:5

Nungungulu kha mu ninga ambari gipandre gidugwana nya mafu ya tigoni momu. Aholu a mu tumbiside gu mu ninga latshavbo litigo leli, uye ni sanana saye, ambari ulo a nga bani ari mwalo gyanana.

Varoma 9:8

Esi sa gu yeyedza gupwani: Khandri sanana sa Nungungulu esi si velegwago khu tumbunugo nya wuthu; aholu, vale va velegwago khu tshivba nya gisambanyo, khavo basi va thudwago sanana saye nya lisine.

Vagalatiya 3:16

Wonani, gitumbiso gi giridwe ga Abrahama ni ga livelego laye. Milowo nya Guage kha yi ganeli khiyo ni ga sanana saye, gukhwatshi vathu nya vangi va thudwago. Aholu yari, khiyo: “Ni ga livelego lago, gu thudwa muthu moyo basi a gu uye Kristo.”

Vagalatiya 4:28

Gasi enu, vandruye, mu idzosaye ni Isaki, mu sanana nya gitumbiso.

Dhewuteronome 1:8

Khilo eli litigo nyi li vegidego mbeli gwanu; belani mu fumela litigo Pfhumu Nungungulu, a ningidego khu gu sambanya ga vababe vanu, Abrahama, Isaki ni Jakobe, gwawe ni ga livelego lawe li nga gutago.

Dhewuteronome 30:20

U na gola Pfhumu Nungungulu wago, U mu yingisa ni gu namarela avbo gwaye; kholu Uye khuye guvbanya gwago ni gulapha nya matshigu yago, gasi u fela guvbanya ga litigo eli Pfhumu Nungungulu a sambanyidego ga vababe vago, Abrahama, Isaki ni Jakobe.

Dhewuteronome 34:4

Pfhumu Nungungulu a di mu embela, khuye: “Eli khilo litigo nyi sambanyidego gu ninga Abrahama, ni Jakobe. Nyi na li ningela ga livelego laye. Uwe u li wone khu maho yago, aholu khu na nga ya bela umo.”

Dhewuteronome 6:10

Avbo Pfhumu Nungungulu wago, a na gu vbohisago ga litigo a tumbisidego khu gusambanya ga vababe vago, Abrahama, Isaki ni Jakobe, gukhuye a na gu ninga madhoropa nya yadi nya makhongolo, ayo uwe u ngamba ma vbaha khu mandza yago;

Dhewuteronome 9:5

Khandri khu kotani nya gululame gwago, gambe khandri khu kotani nya wuwadi nya monyo wago u na belago u fumela litigo lawe, aholu khu kotani nya wuvivbi wa mayigo yaya Pfhumu Nungungulu wago, a ma tutumisago mbeli gwago; gasi gu tiyisa magana Pfhumu Nungungulu wago, a sambanyidego ga vababe vago, Abrahama, Isaki ni Jakobe.

Vahebheru 11:13

Vatshavbo vovo va fude na va tade khu gukhodwa. Kha va hakha esi va nga tumbiswago, aholu va si wone khu hwindzo va si tsakela, va dzi thula vawuyi, valuveli va vbindrago khu mafuni momu.

Vahebheru 11:8

Khu gukhodwa, Abrahama a di yingela, gikhati a nga ranwa. A khuga a hongola ga litigo a nga tumbiswago gu ningwa kha nga thomba yaye. A di diga litigo laye nyamba guti a gu hongola hayi.

Josuwa 1:6

Tiya longo u manega ni tshivba ni gutimisela, kholu khuwe u na thangelago vathu vava kala va bela ga litigo nyi sambanyidego gu ninga vababe vago.

Josuwa 22:10

Avbo va nga vbohago vbafuvbi ni Joridhani, tigoni ga Khanani, va na Rubheni, va na Gadhi ni gipandre nya lihundzu la na Manasi, va di emisa giluvelo nya gikhongolo vbafuvbi ni tsongo wa Joridhani.

Josuwa 8:30

Khavbo avbo, Josuwa a di vbaha giluvelo gya Pfhumu Nungungulu wa Israyeli gigomoni gya Ebhali,

Valamuli 6:24

Khavbo avbo, Gidhiyoni a di vbaha vbale giluvelo gya Pfhumu Nungungulu, a gi riya lina, khuye: Pfhumu Nungungulu nya Gurule. Kala ni muhuno giluvelo gi nga gu manega Ofira wa Abhiyezeri.

1 Samuweli 7:17

Aholu uye a di bwelela a wuya Rama, kholu ndranga yaye yi diri mule, khiyo a nga bani a lamulela iyo va na Israyeli, a vbaha umo giluvelo gya Pfhumu Nungungulu.