Genesi 12:6 - Bhibhiliya Nya Guage

⁶ Abrama a di li tsemakanya khu vbakari ni vbakari kala a vboha dhoropani gwa Sikemi, vbafuvbi ni simbo nya wukhongolo wa Moreya. Vakhanani va di gu vbanya tigoni mule.

Genesi 12:6 Iomraidhean Croise

Genesi 10:15

Khanani khuye babe wa Sidhoni, gyanana gyaye nya matiwula, ni Heti,

Genesi 13:7

Gu di phela gu wuga siregera ga vahavisi va Abrama ni ava va Loti. Khu matshigu yoyo Vakhanani ni Vaperezi va di gu vbanya navo tigoni mule.

Genesi 33:18

Avbo Jakobe a nga wuyago khu Padhani-Arani, a di vboha gwadi khu gurula dhoropani ga Sikemi, tigoni ga Khanani, aya vbaha tshatsha waye vbafuvbi ni lidhoropa lile.

Genesi 34:2

Avbo Sikemi, mwamana wa Hamori, Muhevhi a nga bani ari mwamangulu nya litigo lile, a nga wonago Dhina, a di mu pfinya a gu lala naye khu tshivba.

Genesi 34:30

Khavbo avbo, Jakobe a di embela Simiyoni ni Levhi, khuye: “Mu nyi giride muthu nyamba tumbega, mu nyi sodzisa ga vathu va tigoni momu, Vakhanani ni Vaperezi, va na patana va nyi wugela, olu tengo nya vama nyi gu navo wu gu wudugwanana, va na nyi tshanisa va hegisa khu gu nyi mbembisa gumogo ni ngamo yangu yatshavbo.”

Genesi 35:4

Khavbo avbo, va di ningela ga Jakobe vanungungulu vatshavbo nya valombo va nga bani vari navo ni dziphera va nga bani va ambade dzindzeveni. Jakobe a si kembela tshinani nya simbo wu nga bani na wu romo Sikemi.

1 Dzipfhumu 12:1

Robhowamo a di hongola Sikemi, kholu vatshavbo va na Israyeli va di tombanide iyoyo gasi guya mu wumbela gu khala mufumeli.

1 Dzipfhumu 12:25

Jerobhowamo a di vbahedza Sikemi, gigomoni gya Efrayimi, a khala umo, khu hwane a di khuga aya vbahedza Penuweli.

Dzindzimo 60:6

Nungungulu ganede khu nyumbani gwaye nya guage, khuye: Nyi na nengela khu gu kabanisa litigo la Sikemi nyi kavedzela vathu va Sukoti.

Hoseya 6:9

Vaphasi nya mhamba va gu fanana ni sighevenga, si sihalelago vathu, si va songa ndzilani ga Sikemi; mithumo yawe khya gunyenyeza ni wughevenga.

Johane 4:5

A di vboha dhoropani nya gukari ga Samariya, gu ranwago Sikari, vbafuvbi ni gipeto gile Jakobe a nga ningago mwanaye Josefe.

Mithumo 7:16

Khu hwane nya matshigu va di resa sirumbi sawe Sikemi, va ta si kembela thowoni li nga rengwa khu Abrahama ga sanana sa Hemori.

Dhewuteronome 11:30

Sigomo sesi sa gu manegela tshatugo nya tsongo wa Joridhani, khu phuvbo ga Pfoladambo, tigoni ga Vakhanani, va vbanyago Arabha, mbeli ga Giligali, vbafuvbi ni miguhu ya More.

Vahebheru 11:9

Khu gukhodwa a diya khala nga muwuyi ga litigo lile a nga tumbiswago khu Nungungulu. A di vbanya mitshatshani gumogo ni Isaki ni Jakobe, va nga hakhago gitumbiso gya gimwegyo.

Josuwa 20:7

Kharati, va di emisa madhoropa ya Kadesi, tigoni ga Galileya, gigomoni gya Nafitali; Sikemi, gigomoni gya Efrayimi; Kiriyati-Aribha, (mwendro Hebroni), gigomoni gya Judha.

Josuwa 24:32

Marambo ya Josefa, ayo va na Israyeli va dzudego nawo khu Egipito, va diya ma dzinga tigoni ga Sikemi, ga gipandre Jakobe a nga rengago ga sanana sa Hamori, babe wa Sikemi, khu lizana (100) singerengere nya parata, gi di khala thomba ya sanana sa Josefe.

Valamuli 7:1

Khavbo avbo, Jerubhahali a ranwago Gidhiyoni, gumogo ni masotshwa yaye yatshavbo, va di khuga ni dzimindru dzikhongolo, vaya zumba vbafuvbi ni nambo wa Harodhi; lizumbo la Vamedhiyani li diromo khu phuvbo ga Wuronga gwawe, kovani, vbafuvbi ni gigomo gya More.

Valamuli 9:1

Abhimeleki, mwamana wa Jerubhahali, a di hongola Sikemi, ndrangani ga vandruye vamayi waye, aya embela valongo vaye gumogo ni lihundzu latshavbo la mayi waye, khuye: