Genesi 11:4 - Bhibhiliya Nya Guage

⁴ Khu hwane nya ugo va di khavo: “Olu hongoleni hi vbahe lidhoropa ni langwe nya yikhongolo nya gulaphe ngudzu yi manela ndzadzini, kholu gu vbwetega hi pwala ndruma, gasi hi si phalalegiswi ni litigo latshavbo.”

Genesi 11:4 Iomraidhean Croise

Genesi 6:4

Matshigu yoyo, ni matshigu ma landrelago, tigoni gu di romo vathu nya sidandrangulu ni tshivba, gikhati sivangwa sa ndzadzini si nga tshanganago ni vanyamahegyane va mafuni, va gu velega sanana, sanana sesi nya sidandrangulu, khu dzingwazi dzi nga pwala ndruma gu matshigu ya gale.

2 Samuweli 8:13

Dhavhidhe a di pwala ndruma ngudzu, gikhatini a nga bani a gu wuya khiyo nya gusasele Vaasiriya, kovani nya Munyu, avbo a nga songa likhumi na livbandre na mararu magumi mazana (18.000) vama.

Dzindzimo 107:26

Ma khusedzwa vbatshani ndzadzini, ma wuya ma reledzwa kala guetani nya nondrwa, ni mihefemulo yawe yi di nyega khu gu thava mhango.

Dzindzimo 92:9

Hi ngu dziti gukhethu valala vago Pfhumu Nungungulu va na mbembiswa, vatshavbo va girago guvivba va na phalalegiswa.

Mavingu 10:7

Mapimo ma tshidwego khu muthu nya gululame, ma gu resa gikategiso, aholu lina la muthu nya guvivbedwe khu monyo, la gu vbiredza gufuva,

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Dhaniyeli 4:11

Simbo yoyu wu di dandra ngudzu wu mana tshivba, wu lapha kala damboni; wu wonwa tigoni gwatshavbo.

Dhaniyeli 4:22

simbo wowo, gu thudwa uwe mufumeli, u dandridego u khala muthu nya tshivba, wugulu wago wu vboha kala damboni, gufuma gwago gu nava kala mahegiso nya litigo.

Dhaniyeli 4:27

Khu guralo, uwe mufumeli, dzumela gulaya gwangu, u diga sighoho ni guvivba gwago u gira gululama, u pwela wuhindzi sisiwana, a gu dzina saye matshigu yago nya gu tsake ma na simama.

Dhaniyeli 4:30

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Luka 1:51

Giride silo sikhongolo khu mandza yaye, phalalegiside va nya matshandza.

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Dhewuteronome 1:28

Hi na hongola hayi? Vandriyathu va hi pide hwambo, khavo: Vangi gambe sidandrangulu; madhoropa yakone makhongolo na ma bhiyidwe khu makhokhola kala damboni. Hi wonide gambe iyoyo vathu nya sidandrangulu sanana sa gidandrangulu Anaki.”

Dhewuteronome 4:27

Pfhumu Nungungulu a na mi phalalegisa vbakari nya mayigo, mu na tshala na muri tengo nya wudugwana vbakari nya vathu nya mayigo Pfhumu Nungungulu a na mi yisago umo.

Dhewuteronome 9:1

Upwa uwe Israyeli, muhuno u na tshatuga tsongo wa Joridhani gasi guya khozisa mifumo nya yikhongolo yi gu ni tshivba gu gu vbindra; madhoropa nya makhongolo ni mabhiyo nya gulaphe kala damboni;