Genesi 1:5 - Bhibhiliya Nya Guage

⁵ Nungungulu a di rana guwonegela, khuye: “Mihani” a gu rana gidema khuye “wutshigu.” Li di pfola, li gugya; litshigu nya guhegule.

Genesi 1:5 Iomraidhean Croise

Genesi 1:13

Li di pfola, li gugya; litshigu nya wuraru.

Genesi 1:19

li di pfola li gugya; Litshigu nya wu na.

Genesi 1:23

Li di pfola, li gugya: Litshigu nya livbandre.

Genesi 1:31

Nungungulu a di wona gukhuye sigiro Saye satshavbo si diri sadi ngudzu. Li di pfola, li gugya: Litshigu nya livbandre na limwedo.

Genesi 1:8

A di rana ndrengelenge khuye ndzadzini. Li di pfola li gugya; litshigu nya wuvili.

Genesi 8:22

“Gikhati gyatshavbo mafu ma na simamago na ma romo, guyala ni guhavela, guvbisa ni girame matshiga ni maronga, mihani ni wutshigu, gima kha si na fuva.”

Dzindzimo 104:20

Gwa gu gira wutshigu gwa gu khala gidema, sirengo satshavbo nya likhabi sa gu duga si handra.

Dzindzimo 19:2

Litshigu la gu ningedza mahungu ga limbe litshigu, wutshigu wa gu ma tivisa ga wumbe wutshigu,

Dzindzimo 65:8

Ni ava va vbanyago mayigoni ya mahegiso nya mafu, va ngu samala siliwugiso nya mithumo yago; gukhugela Khugadambo kala Muhwadambo, gu pwala mikulungwane nya gutsake.

Dzindzimo 74:16

Wutshigu ni mihani sa gu lumba uwe, u vegedzela malangani yawe: Lidambo, ngima ni dzinyeledzi.

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Jeremiya 33:20

Pfhumu Nungungulu a ngu ganela kharati, khuye: Mwa gu dzi kodza gu hambanisa gidzumeledzwano gyangu nya mihani, mwendro gu hambanisa gidzumeledzwano gyangu nya wutshigu, gasi gu si manegi wutshigu ni mihani khu gikhati gyaye,

Mitengo 20:29

Tshangano watshavbo khu gu wona nya gukhavo Aroni fude, vatshavbo va na Israyeli va di lila Aroni gipimo nya magumararu matshigu.

1 Vakorinto 3:13

thumo wa muthu ni muthu wu na wonegiswa ga vatshavbo, litshiguni la Pfhumu. Kholu, litshigu lolo li na wonegiswa khu nilo, nilo wu na lingedzela gutiya nya thumo wa muthu ni muthu.

Vaefeso 5:13

Thumo watshavbo, wa gu vegwa guwonegelani khavbo li tisegago gwadi lisine nya tumbunugo waye;

1 Vatesalonika 5:5

Enu mwa gu vbanya guwonegelani nya mihani, kholu ethu kha hi lumbi wutshigu ambari gidema.