Genesi 1:2 - Bhibhiliya Nya Guage

² Mafu ma diri liphanga nyambana giwumbelo, ma diri giwula nyambana gilo, gidema gi di fenengedza linene, Liphuvbo la Nungungulu li di gu furugedza vbatshani nya mati.

Genesi 1:2 Iomraidhean Croise

Joba 26:14

Esi satshavbo gipandre basi nya mithumo yaye, hi pwide gipandre nya gidugwana nya ndruma yaye basi. Aholu khu mani a yelago guti tshivba nya guzindze gwaye, na?”

Joba 26:7

Nungungulu a ngu ghwimba Marandzi ga damboni umo gu gu mwalo gilo, a emisa mafu ndrengelengeni.

Joba 38:9

Gikhati nyi nga li girela dzingandzu khu mapfhi, nyi li fenengedza khu gidema,

Joba 41:32

Avbo yi vbindrago khavbo gu tshala tseneno nya gungangamele, ni mati nya linene ma aga nga dzinvi nya gikhosane.

Dzindzimo 104:30

Wa gu rumela liphuvbo lago, sa gu wuya si vbanya, u wusedza kharati khovbe nya litigo yi khala yiphya.

Dzindzimo 104:6

U fenengedzide litigo khu linene khwatshi mwendra, mati ma di gu ema vbatshani nya sigomo.

Dzindzimo 136:6

khuye a ladzidego litigo vbatshani nya guete nya mati, kholu lihaladzo laye li ngu simama kala gupindruga;

Dzindzimo 148:7

Mafuni a na dhumiswe Pfhumu Nungungulu, sirengo nya sikhongolo sa matini ni gueta gwatshavbo nya linene;

Dzindzimo 33:6

Pfhumu Nungungulu giride ndzadzini khu lito laye, khu liphuvbo la kanani gwaye, si wumbidwe sivangwa satshavbo.

Mavingu 8:24

Gu si gu vangwi linene, na gu si gu manegi ni sifefe nya mati, eni nyi di velegidwe.

Isaya 31:5

Gufanana ni sinyoni si thawuludzago mambapi, si vbuvba, kharato nuye Pfhumu Nungungulu nya Tshivba Yatshavbo, a na tangadzisa lidhoropa la Jerusalema, a li tshudzisa ni gu li vbanyisa, a si li digi li mbembiswa.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Jeremiya 4:23

Nyi di khedza mafuni, nyi gu wona na guri mwalo giwumbelo; nyi khedza ndzadzini, gu diri mwalo guwonegela.

Nahume 2:10

Lidhoropa la Ninivha liphanga! Li mwalo gambe, li mbembisidwe, li khade marumbi; monyo wu rerekide, dzikhungumudzi dza gu khuyugela ni siwunu sawe satshavbo sa gu ndrendremela ni dzikhovbe dzawe dzatshavbo dzi thuvigide.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Dhewuteronome 32:11

Uye lighama li khendzugisago sanana saye mugihagani, li vbuvbelago vbatshani nya sifondro saye, li tula mambapi li si vega avbo, gasi gu si rwala li vbuvba naso,