Genesi 1:14 - Bhibhiliya Nya Guage

¹⁴ Nungungulu a di khuye: “Gu na manege myenge nya guwenengedze ndzadzini, yi hambanisa wutshigu ni mihani. Yi na khale giyeyedzo nya dzinango, matshigu ni myaga,

Genesi 1:14 Iomraidhean Croise

Genesi 1:13

Li di pfola, li gugya; litshigu nya wuraru.

Genesi 1:15

Myenge yoyo yi vegidwego ndzadzini yi na wenengedze mafu.” Gu di girega kharato.

Genesi 8:22

“Gikhati gyatshavbo mafu ma na simamago na ma romo, guyala ni guhavela, guvbisa ni girame matshiga ni maronga, mihani ni wutshigu, gima kha si na fuva.”

Genesi 9:13

Nyi na wonegisa wulaho wangu nya Nyazimwe mapfhini wu gu khala gialakanyiso nya pwanano wangu ni litigo.

Joba 25:3

Khu mani a kodzago gu saya tengo nya gikwata gyaye? Khu mani a si khuhwigo khu wenengedzo waye?

Joba 25:5

Ambari khu ngima kha wu khedzigi, ni dzinyeledzi kha dza aga mahoni gwaye,

Joba 3:9

Dzinyeledzi nya wutshigu wowo dzi na pfhupedziswe gu khala gidema, gu si wonegi, ambari ni Wuronga nya gugye;

Dzindzimo 119:91

Na muhuno satshavbo si ngu simama gukhedza khu guruma gwago, kholu silo satshavbo sa gu thumela uwe.

Dzindzimo 148:3

Lidambo ni ngima, si na mu dhumise, mu dhumiseni enu dzinyeledzi dzatshavbo mu wenengedzago.

Dzindzimo 148:6

A si tiyiside malangani gwaye kala gupindruga, a si ningide nayo si tandregago gu wu yeyisa.

Dzindzimo 150:1

Aleluya! Dhumisani Pfhumu Nungungulu! A na dhumiswe Nungungulu wulangani gwaye nya guage; mu dhumiseni ndzadzini a gu likhokhola nya tshivba yaye!

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Isaya 40:26

Khusedzani maho mu khedze vbatshani, mu wona. Khu mani a giridego silo sesi? Khuye a si hengeledzelago kha nga mabutho yaye nya dzinyeledzi, satshavbo a si rana khu malina yawe, khu mahungu nya wugulu nya tshivba yaye, ni gutiya nya mufumo waye, gimwalo gi na kenelelago.

Jeremiya 10:2

Pfhumu Nungungulu a ngu ganela kharati, khuye: “Mu nga pimedzeli mavbanyelo ya mambe mayigo, ambari gu thurugiswa khu sisamadziso sa damboni; kholu va nya mayigo va ngu thurugiswa khiso.”

Jeremiya 31:35

Pfhumu Nungungulu a ngu ganela kharati, khuye: Uye a rumago lidambo li wenengedza mihani, ngima ni dzinyeledzi si wenengedza wutshigu, a kutsungago mavimbi nya linene; lina laye khuye Pfhumu Nungungulu nya Tshivba Yatshavbo.

Jeremiya 33:20

Pfhumu Nungungulu a ngu ganela kharati, khuye: Mwa gu dzi kodza gu hambanisa gidzumeledzwano gyangu nya mihani, mwendro gu hambanisa gidzumeledzwano gyangu nya wutshigu, gasi gu si manegi wutshigu ni mihani khu gikhati gyaye,

Jeremiya 33:25

Pfhumu Nungungulu a ngu ganela kharati, khuye: Gidzumeledzwano gyangu nya mihani ni wutshigu gya gumba simama, eni nyi si vegi milayo yi fumago ndzadzini ni mafuni,

Ezekiyeli 46:1

Mune Pfhumu Nungungulu, a ngu ganela kharati, khuye: “Lidimba nya likupakupa nya mwanya wa ndrani, wu khedzidego phuvbo ga Khugadambo, li na segwa gipimo nya livbandre na limwedo matshigu, a gu matshigu nya thumo; aholu khu litshigu nya Sabhadho ni litshigu nya Buzo nya Gumege Ngima, li na tudwe.

Ezekiyeli 46:6

Aholu, khu litshigu nya Buzo nya Gumege Ngima, uye a na ningela lirole limwedo, ni livbandre na gimwegyo sinvutana ni hamba mweyo; satshavbo nyambana libawa.

Joyele 2:10

Mbeli gwawe mafu ma gu tsekatseka, ni damboni gu ndrendremela; lidambo ni ngima si pfhupela, ni dzinyeledzi dzi na dusa wenengedzo wawe.

Joyele 3:15

Lidambo ni ngima si na sivbala, dzinyeledzi kha dzi na khedziga.

Amosi 5:8

Vbwetani uye a nga gira tshangano nya dzinyeledzi ni thandra nya masase; uye a vbindrugedzago gidema gi khala guwonegela nya dzimindrudzile, mihani gu vbindrugedza gu khala wutshigu, uye a ranago mati ya linene a ma guhula vbatshani nya mafu; lina laye khuye Pfhumu Nungungulu.

Amosi 8:9

Khu litshigu lolo, a ngu ganela Pfhumu Nungungulu, Lidambo li na pfola gu ngari vbakari nya mihani, tigoni gu na sivbala khu gidema gu ngari safa nya mihani.

Matewu 2:2

Va di ya wudzisa, khavo: “Mufumeli wa Vajudha a ngarigu gu velegwa, a gu manegela hayi? Hi wonide nyeledzi yaye khu Khugadambo, hi dzude gasi guta mu khozela.”

Matewu 24:29

“Aholu hwane nya tshanisa yoyo, lidambo li na sivbala, ni ngima kha na wenengedza; dzinyeledzi dzi na thegela khu Ndzadzini, ni dzitshivba nya ndzadzi dzi na dzudzwa.

Marko 13:24

“Khu matshigu yoyo, hwane nya tshanisa yeyi, lidambo li na sivbala, ngima kha wu na wenengedza.

Luka 23:45

Mwendra nya makhuvi nya Nyumba ya Nungungulu wu di pferuga khu vbakari.

Dhewuteronome 4:19

Wa gu khusa maho u khedzisa ndzadzini wa gu wona lidambo, ngima ni dzinyeledzi, ni mabutho yatshavbo ya ndzadzini u nga tshuki u dzi nyenyezisa khu gu si khidzimela u si khozela ni gu si thumela. U thumela silo esi Pfhumu Nungungulu wago a si kabanisedego vathu nya mayigo yatshavbo ma guromo vbavbatshi nya mafu gasi si khala thomba yawe.

Gutuledwa 6:12

Gikhati yi nga namula gifungo nya livbandre na gimwegyo. Nyi di wona girevareva nya gikhongolo; lidambo li di sivbala kha nga gilendra; ngima wu di fuvila kha nga novba.

Gutuledwa 8:12

Ngilozi nya wu na yi di womba pundru, khavbo avbo, gipandre nya wuraru nya lidambo, nigyo nya ngima, nigyo nya dzinyeledzi, si di thapedwa niso; si gu tshimega. Gipandre nya wuraru nya mihani nigyo nya wutshigu si di khala gidemani.

Gutuledwa 9:2

Nyeledzi yi di tula liphala gu duga wutshi nya gufanane nuwo nya luvbya nya likhongolo ngudzu. Lidambo ni ndzadzini gu di sivbadzwa khu wutshi wakone.