Genesi 1:12 - Bhibhiliya Nya Guage

¹² Mafu ma di bugisa mwasi ni mitongwe yi ningago dzithanga khu mafumbu yaye, ni misimbo yi ningago mihandro ni mbewu khu mafumbu yaye. Pfhumu Nungungulu a di si wona gukhuye khyadi.

Genesi 1:12 Iomraidhean Croise

Genesi 1:11

Nungungulu a di ganela gambe, khuye: “Mafu ma na fenengedzwe khu likhabi; mafumbu nya mwasi ma ningago dzithanga, ni misimbo nya mihandro yi velegago mihandro ni dzithanga dzaye mafuni, gukhedza khu lifumbu ni lifumbu.” Gu di girega kharato.

Genesi 1:13

Li di pfola, li gugya; litshigu nya wuraru.

Dzindzimo 104:14

U ngu dandrisa mwasi nya guhodzwe khu sirengo, ni mitongwe nya guhodzisele vathu, gasi va kodza gu mana guhodza marembweni gwawe.

Isaya 61:11

Kholu kha nga mafu ma bugisago misimbo yatshavbo, ni lithembwe li bugisago dzimbewu dzi yadwego umo, kharato nuye Mune, Pfhumu Nungungulu, a na bugisa gululama ni wuzundzo vbakari nya mayigo yatshavbo.

Marko 4:28

Mafu khayo ma gu ni tshivba nya gu bugise, guhegula ya gu buga litshina, gu handzamedza mahongwe, gu landrela makonva a gu ayo ma thelago dzimbewu.

Luka 6:44

Simbo ni simbo wa gu tidwa khu mihandro yaye; kholu, kha gu hawi dzikhure sikakaradzani, mwendro saye dziuvha mu sirangalabwani.

2 Vakorinto 9:10

Nungungulu, a ningago muyali mbewu ni guhodza, a na andrisa mbewu nya mithumo yanu nya yadi, eyi mu yi girago, ni gu dandrisa mihandro nya gululame gwanu.

Vagalatiya 6:7

Mu nga dzi pfhadzini sanu; kholu Nungungulu khandri wa gu hagana khuye. Muthu ni muthu a na vbwera esi a nga yalago.

Vahebheru 6:7

Nungungulu a ngu kategisa mafu ma hakha mati nya ndzadzi, gikhati gyatshavbo yi wago, ma gu ninga mihandro nya yadi ga vale va limago.