Genesi 1:1 - Bhibhiliya Nya Guage

¹ Guhegulani Nungungulu a di vanga ndzadzi ni mafu.

Genesi 1:1 Iomraidhean Croise

2 Dzipfhumu 19:15

A di ya lombelela mbeli ga Pfhumu Nungungulu waye, khuye: “Pfhumu Nungungulu wa Israyeli, u khalago vbatshani nya dzikerubhimi, uwe kamwe, khuwe u gu Nungungulu nya mifumo yatshavbo ya mafuni, uwe u giride ndzadzini ni mafuni.

1 Dzikoronika 16:26

Kholu vanungungulu vatshavbo va vanya mayigo sifananiso basi, aholu Pfhumu Nungungulu, giride ndzadzini.

2 Dzikoronika 2:11

Hiramo, mufumeli wa Tiro, a di phindrula Solomoni khu lidangalila, khuye: “Kha nga Pfhumu Nungungulu a golago vathu vaye, khidzo a gu vegedego gu khala mufumeli vbakari gwawe.

Nehemiya 9:6

Uwe Pfhumu khuwe basi, u giride gupindruga gwa ndzadzini gu khusegidego ngudzu, ni mabutho yatshavbo nya sivangwa saye, mafu ni satshavbo si guromo umo, yiphwa ni satshavbo si manegago umo; khuwe u vbanyisago sivangwa satshavbo, ni sivangwa sa ndzadzini si ngu gu khozela.

Joba 26:13

Khu Liphuvbo laye mburiside ndzadzini, a songa mwamilambo khu tshivba nya libogo laye.

Joba 38:4

U diri hayi uwe gikhati nyi nga wumba litigo? Nyi tshamusele, wa gu bani na wuri ni guti.

Joba 9:8

Khuye ekha a ghwimbidego damboni, a gimbila khu vbatshani nya linene.

Dzindzimo 102:25

U tiyiside mafu gukhugela guhegulani; ni ndzadzini i thumo nya mandza yago.

Dzindzimo 104:24

Uwe Pfhumu Nungungulu sigiro sago si tade! U si giride satshavbo khu guti ni mapimo, litigo li tade khu sigiro sago.

Dzindzimo 104:30

Wa gu rumela liphuvbo lago, sa gu wuya si vbanya, u wusedza kharati khovbe nya litigo yi khala yiphya.

Dzindzimo 115:15

Pfhumu Nungungulu giridego ndzadzi ni mafu, a na mi kategise, enu mwatshavbo.

Dzindzimo 121:2

Giphaso gyangu gya guta khu ga Pfhumu Nungungulu, a nga gira ndzadzi ni mafu.

Dzindzimo 124:8

Giphaso gyathu ha gu gi mana linani la Pfhumu Nungungulu, a nga gira ndzadzi ni mafu.

Dzindzimo 134:3

Pfhumu Nungungulu a na mi kategise nari khu Siyoni, Uye a nga gira ndzadzi ni mafu.

Dzindzimo 136:5

khuye a giridego ndzadzini khu mapimo, kholu lihaladzo laye li ngu simama kala gupindruga;

Dzindzimo 146:6

a nga vanga ndzadzi, mafu ni linene, ni satshavbo si guromo umo, a tumbegidego gikhati gyatshavbo;

Dzindzimo 33:6

Pfhumu Nungungulu giride ndzadzini khu lito laye, khu liphuvbo la kanani gwaye, si wumbidwe sivangwa satshavbo.

Dzindzimo 33:9

Kholu uye a di ganela, si girega satshavbo; uye a ruma, satshavbo si girega.

Dzindzimo 8:3

Nya gu khedza ndzadzini nyi wona sigiro nya mandza yago: Ngima ni dzinyeledzi u si vegidego malangani yawe,

Dzindzimo 8:4

gasi ginani muthu nya gukala u mu alakanya? Gyanana nya muthu ginani nya gukala u dzi garadza khu gu gi thela kota?

Dzindzimo 90:2

Khu gale, sigomo na si ngari mwalo, na wu si gu vangi litigo ni mafu, uwe u Nungungulu kala gupindruga!

Dzindzimo 96:5

Kholu vanungungulu vatshavbo va nya mayigo, khandri vanungungulu sifananiso basi, aholu, Pfhumu Nungungulu, giride ndzadzini.

Ekisodha 20:11

Kholu, khu livbandre na limwedo matshigu, Pfhumu Nungungulu giride ndzadzi ni mafu, linene ni satshavbo si guromo umo, a gu hefemula khu litshigu nya livbandre na mavili. Khu kotani nya kharato, Pfhumu Nungungulu kategiside litshigu nya Sabhadho a li agisa.

Ekisodha 31:18

Hwane nya gu Pfhumu Nungungulu na vbedzide gu ganela ni Mosi gigomoni gya Sinayi, a di mu ninga mapulango mavili nya Wufakazi, siwindri si lovidwego khu nyala ya Nungungulu.

Mavingu 16:4

Satshavbo silo a giridego Pfhumu Nungungulu a si vegede thumo waye, ambari avo nya guvivbedwe khu myonyo, va vegedwe litshigu nya mhango.

Mavingu 3:19

Khu guti, Pfhumu Nungungulu a di vanga siseketelo nya litigo, a emisa damboni khu gupimisa.

Muhevbudzi 12:1

Alakanya Muvangi wago na wu ngari lidzaha, kholu ma na vboha matshigu nyambasi yadi, a gu myaga u na ganelago gukhuwe: “Guvbanya kha gu nga gu tshamba gambe;”

Isaya 37:16

Uwe Pfhumu Nungungulu nya Tshivba Yatshavbo, Nungungulu wa Israyeli, u khalago vbakari nya dzikerubhimi, khuwe basi u gu Nungungulu nya mifumo yatshavbo ya mafuni; khuwe u giridego ndzadzi ni mafu.

Isaya 40:21

Ina kha muti gilo? Ina kha mwa pwa gilo, gani? Ina kha mi tivisani gukhugela guhegulani isoso, gani? Mwendro kha mu dziti gukhenu litigo li wumbisidwe kharini?

Isaya 40:26

Khusedzani maho mu khedze vbatshani, mu wona. Khu mani a giridego silo sesi? Khuye a si hengeledzelago kha nga mabutho yaye nya dzinyeledzi, satshavbo a si rana khu malina yawe, khu mahungu nya wugulu nya tshivba yaye, ni gutiya nya mufumo waye, gimwalo gi na kenelelago.

Isaya 40:28

Ina kamwe khu dziti mwendro gupwa gilo, gani? Nya gupwani Nungungulu, Pfhumu nya gupindruge, khuye Muvangi nya litigo latshavbo, kha garali ni guvbela tshivba, gani? Wugengeli waye mwalo a wu pimago.

Isaya 42:5

Khiso a ganelago Nungungulu, Pfhumu Nungungulu a giridego ndzadzini a gu ladza, a wumbidego litigo, ni mihandro yatshavbo yi dugago khumo; uye a ningago guvbanya vathu va guromo umo, ni hefemulo ga vathu va khalago umomo.

Isaya 44:24

Pfhumu Nungungulu, Mudzegisi wago, Oyu a gu wumbidego rumbuni ga mayi wago, a ngu ganela kharati, khuye: Eni kheni Pfhumu Nungungulu, nyi girago silo satshavbo, nyi giride ndzadzini, nyiri nyonga nyi ladza mafu, nyiri nyonga.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 51:13

Gasi khuwe mani uwe u divalago Pfhumu Nungungulu, a gu vangidego, uye a ladzidego ndzadzini ni gu tsitsa litigo wulangani gwaye; u na simama gu thedwa hwanga matshigu yatshavbo khu likhulo la mutshanisi a gu vbweta gu gu mbembisa, gani? Gasi olu, la gu vbelela hayini likhulo la wule a nga bani a gu tshanisa?

Isaya 51:16

Nyi ngu thela magana yangu kanani gwago, nyi na gu siha mutsani nya gyandza gyangu. Eni nyi na ladza ndzadzini nya guphya, ni gu tsitsa giseketelo nya litigo nya liphya, ni gu embela Siyoni, kheni: “Enu mu vathu vangu.”

Isaya 65:17

Wonani! Nyi na vanga ndzadzi yiphya ni mafu maphya, gasi silo sa gale mu si si dundrugi, ambari gu si alakanyela gambe.

Jeremiya 10:12

Pfhumu Nungungulu khu tshivba yaye, khuye a giridego mafu, a tiyisa litigo khu guti gwaye, khu wugengeli waye a ladza damboni.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Jeremiya 51:15

Pfhumu Nungungulu, khuye a vangidego mafu khu tshivba yaye; khu guti gwaye a vangide litigo, khu mapimo yaye a fenengedzide ndzadzini.

Zakariya 12:1

Mahungu ya Pfhumu Nungungulu khu mahungu ya vathu va na Israyeli; Pfhumu Nungungulu a ladzago Ndzadzini, a wuya a emisa siseketelo nya mafu, a wumba hefemulo ndrani nya muthu, a ngu ganela kharati, khuye:

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

Marko 13:19

Kholu, khu matshigu yoyo, yi na manega tshanisa nya yikhongolo nya gu gima yi si gu manegi gukhugela avbo Nungungulu a nga vanga litigo, kala matshigu ya muhuno, gambe gima kha yi na manega gambe.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Mithumo 17:24

Nungungulu a vangidego mafu ni satshavbo esi si guromo mafuni, a gu uye Pfhumu ya ndzadzini ni mafuni. Kha khali dzinyumbani nya gugirwe khu mandza nya vathu.

Mithumo 4:24

Na va pwide satshavbo, va di hengela monyo moyo va khusedza lito ga Nungungulu va ganela, khavo: “Pfhumu, khuwe mugiri nya ndzadzi ni mafu, ni linene ni satshavbo esi si tadzago malanga yoyo.

Varoma 11:36

Satshavbo sa guta khu ga Nungungulu; satshavbo sa gu tumbuluga tshivbani gwawe gasi gu thumela uye. A na rungudzwe Nungungulu kala gupindruga. Amen.

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

Vaefeso 3:9

ni gu tivisa ga vathu vatshavbo magimbilelo nya gikungo nya sihalo wu nga bani wu sihidwe khu gale ni gale guetani gwa Nungungulu, muvangi nya silo satshavbo.

Vahebheru 1:10

A engedza gambe, khuye: Uwe Pfhumu, guphela u di vanga litigo, ni dzindzadzi sigiro nya mandza yago,

Vahebheru 1:2

Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo latshavbo, a gu mu ninga tshivba nya gufumele silo satshavbo.

Vahebheru 11:3

Khu gukhodwa, hi ngu pima gukhethu litigo li vangidwe khu lito la Nungungulu, esi si wonegago si vangidwe khu esi si si wonegigo.

Vahebheru 3:4

Nyumba ni nyumba ya gu vbahwa khu muthu nya gukari, aholu, Nungungulu khuye Muvbahi nya silo satshavbo.

2 Pedro 3:5

Vapoyili vovo va gu hangwa khu gukhavo matshigu ya gale, Nungungulu a di ganela, guvangwa ndzadzi ni mafu. Litigo li di duswa khu matini, li gu wumbwa vbakari nya mati khu lito la Nungungulu.

1 Johane 1:1

Hi ngu mi lovelani khu mahungu ya wule a nga bani a romo gukhugela guhegulani, uye hi mu pwidego ni gu mu wona khu maho yathu. Khu lisine, ethu hi mu wone, hi wuya hi mu phara khu mandza. Ha gu ganela khu Lito nya guvbanye.

Gutuledwa 10:6

yi gu sambanya khu lina la wule a vbanyago kala gupindruga, a gu uye muvangi nya ndzadzi ni satshavbo si guromo umo; ni mafu ni satshavbo si guromo umo; ni yiphwa ni satshavbo si guromo umo, khiyo: “Gikhati gi vbede!

Gutuledwa 14:7

Ngilozi yi di huwelela khu tshivba, khigyo: “Ningani githawo Nungungulu, mu dhumiseni kholu gi vbohide gikhati gyaye nya gulamule! Khozelani Muvangi nya ndzadzi ni mafu ni linene ni sifefe nya mati.”

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.

Gutuledwa 22:13

Eni kheni Alfa ni Omega! Oyu nya Guhegule ni uye nya Guhegise. Guphela ni Guhegisa.

Gutuledwa 3:14

Lovela ngilozi ya libandla la Lawodhikeya, khuwe: “Wule a gu uye, Amen, a gu fakazi nya guthembege nya lisine a gu uye guphela nya sivangwa sa Nungungulu, wari, khuye:

Gutuledwa 4:11

“Pfhumu Nungungulu wathu, u ngu yedwa khu gu hakha gidhumo, ni rungudzo ni tshivba, kholu khuwe Muvangi nya silo satshavbo; khu gudzina gwago u si vangide ni gu si tumbulugisa.”