Filemoni 1:10 - Bhibhiliya Nya Guage

¹⁰ Nyi ngu gu lomba khu gyanana gyangu Onesimo, nyi gi velegedego pasoni.

Filemoni 1:10 Iomraidhean Croise

2 Samuweli 18:5

Mufumeli a di leletela Jowabhi, Abhisayi ni Itayi, khuye: “Mu nga girini guvivba ga lidzaha Abhisalamo.” Vathu vatshavbo va pwide avbo mufumeli a nga ningago sileletelo ga vathangeli vaye vatshavbo khu mahungu ya Abhisalamo.

Marko 9:17

Moyo nya gidzemo, a di khuye: “Muhevbudzi, nyi gu resede mwamana wangu a saniswago khu liphuvbo nya guvivbe, li mu giridego gidudu.

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

1 Vakorinto 4:14

Khandri nya gu mi lovela silo sesi khu gufela gu mi thela dzitshoni, aholu nya gufela gu mi luleka kha nga sanana sangu nya sigodwa ngudzu.

1 Vakorinto 4:15

Kholu ambari mu mana mazana ni mazana nya vahevbudzi nya wukhodwa, gima kha mu na mana vababe nya vangi. Kholu eni kheni nyi mi velegidego gukhodwani ga Kristo khu gu mi tivisa Mahungu nya Yadi.

Vagalatiya 4:19

Vanavangu, nyi ngu simama gupwa wuvi kha nga nyamayi a lumwago khu enu, kala litshigu Kristo a na gu vbelelago guwumbwa myonyoni gwanu;

Vakolosi 4:9

Hi ngu mu rumela gumogo ni Onesimo, ndriyathu nya gigodwa nya gutumbege, a gu moyo wanu. Avo va nata mi embela satshavbo esi si dugelelago eno.

1 Thimoti 1:2

nyi ngu gu lovela eli lidangalila, uwe Thimoti, gyanana gyangu nya lisine gukhodwani. Wuhigo ni lihaladzo ni gurula gutago khu ga Nungungulu Babe wathu ni ga Jesu Kristo, Pfhumu yathu, gu na khale ni uwe.

Tito 1:4

Nyi ngu lovela uwe Tito, gyanana gyangu nya lisine gukhodwani, gukhodwa ogu a gu gwago ni gwangu. Wuhigo ni gurula gwa Nungungulu Babe wathu ni ga Kristo Jesu, Muvbanyisi wathu gu na khale ni uwe.

Filemoni 1:11

Uye gale a di si phasi gilo ga uwe, olu a na ni giphaso ngudzu ga uwe ni ga eni.

Filemoni 1:13

Nyi di dzinide gu khala naye gasi gu nyi thumela a tshikedza wulanga wago pasoni momu nyi guromo khu kotani nya Ivhangeli.

3 Johane 1:4

Gi mwalo gi nyi tsakisago guvbindra gupwa gupwani sanana sangu si ngu vbanya khu gu landra lisine.