Esiteri 8:3 - Bhibhiliya Nya Guage

³ Khavbo avbo, Esiteri a di bwelela gambe a ya thega migondroni ya mufumeli na gu lila, a lomba mufumeli gasi a thindrekisa makungo nya wuvivbi nya gusongwe Vajudha ma nga bani ma lugidwe khu Hamani, Muagagi.

Esiteri 8:3 Iomraidhean Croise

2 Dzipfhumu 4:27

Avbo a nga vbohago gigomoni ga muthu wa Nungungulu a dita mu phara mawundru yaye. Geyazi a di hidzimela vbafuvbi gasi guta mu digisa, aholu muthu wa Nungungulu a di mu embela, khuye: “Mu dige, kholu hefemulo waye wu ngu garadzega, aholu Pfhumu Nungungulu a nyi sihede silo sesi, kha nyi tivisa gilo.”

Esiteri 3:1

Khu hwane nya satshavbo sesi, mufumeli Asuwero, a di khusedza Hamani, mwamana wa Hamedhati, Muagagi, a mu vega gu khala muthangeli nya dzindruna dzaye dzatshavbo.

Esiteri 7:4

Kholu hi ningedwe eni gumogo ni va na gyathu, gasi hi songwe hi sasedwa hethu bhi, hi fuva hatshavbo. Nari gupwani hi di rengiswa basi hi khala dzikhumbi, vama ni vanyamayi nyi di hadza gu degula nyamba ganela gilo. Aholu nala wathu gima na sa dzi kodza gu agisa guvivba gwatshavbo a na girago ga mufumeli khu gusongwa gwathu.”

Esiteri 8:2

Mufumeli a di dusa phera yaye a nga bani a yi dzegide ga Hamani a ningelaga Moridhekayi; khavbo avbo, Esiteri a di vega Moridhekayi kha nga muthangeli nya thomba ya Hamani.

Esiteri 8:4

Khu guralo, mufumeli a di khusedza ndronga yaye nya ndralama. Khavbo avbo, Esiteri a di khuga a ema mbeli ga mufumeli.

Isaya 38:2

Khavbo avbo, Ezekhiya a di thendregedza a khighela ndzari a lomba ga Pfhumu Nungungulu,

Hoseya 12:4

Dwanide ni ngilozi kala a yi pala; lide a lomba gu kategiswa. Tshanganide ni Nungungulu dhoropani ga Bheteli, avbo a nga ganelago naye.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

1 Samuweli 25:24

A di thega migondroni gwaye a ganela, khuye: “Oh! Mune wangu, nandru yoyu wu na thegele eni; dzumela gukhuwe githumi gyago gi ganela nago, upwa magana ya githumi gyago.