Esiteri 4:3 - Bhibhiliya Nya Guage

³ Ga sipandrengulu satshavbo umo wu vbohidego nayo wa mufumeli gumogo ni sileletelo, gu diri ni gililo nya gikhongolo vbakari ga Vajudha, va hala va si hodzi gilo va tsikwila; nya vangi va di lala vbadzisakutunu va tola nguma.

Esiteri 4:3 Iomraidhean Croise

Esiteri 1:1

Esi si giregide matshiguni ya mufumeli Kiserise, uye a fumidego lizana ni magumavili na livbandre na sivili (127) sipandrengulu, gukhugela Indiya kala Etiyopiya.

Esiteri 3:12

Khu litshigu nya likhumi na mararu nya ngima nya guhegule, gu di ranwa vatshavbo valovi va mufumeli, va ta leletedwa khu Hamani gu lova khwepa nya nayo wu rumedwa ga dzindruna dzatshavbo, ga vathangeli nya sipandrengulu, ga manganagana nya lifumbu ni lifumbu, wu rumedwa ga gipandrengulu ni gipandrengulu, khu malovelo nya idzo va lovago khidzo lifumbu lolo, gumogo ni lidimi lawe. Na wu lovidwe khu lina la mufumeli Asuwero, wu vetwa gitambo khu phera ya mufumeli, wu rumedwa.

Esiteri 4:16

Indra tshanganisa Vajudha vatshavbo va vbanyago dhoropani ga Suza, mu hala khu eni mu vbedza matshigu mararu mu si hodzi ni gu sela gilo wutshigu ni mihani, eni neni gumogo ni sithumi sangu hi na hala. Khu hwane, nyi na ya wonana ni mufumeli, ambari wu si gu nayo; nya gufa, nyi fude.

Esiteri 4:2

a ya ema nyangwani ya mufumeli, kholu muthu, ambadego silendra nya gililo a di si dzumedziswi gu bela nyangwani ga mufumeli.

Esiteri 4:4

Gikhati vanyamahegyane ni mithenwa yi thumelago Esiteri va ngata mu embela mahungu yaya, ma di mu vbisisa ngudzu monyo, a rumela ga Moridhekayi dzingandzu nya dzadi, gasi a ambale, a tshula dzile nya gililo; aholu Moridhekayi kha nga dzumela gu hakha dzingandzu dzile.

Esiteri 9:31

A va tivisa gu alakanya matshigu yaya nya Purimi ni gu dundruga dzinango dzakone, kha nga idzo Moridhekayi yoyu nya Mujudha, ni pfhumugadzi Esiteri va nga leletisago khidzo Vajudha, va ma vegisa kha nga idzo va vegisago khidzo matshigu nya guhale naya nya gililo, avo gumogo ni vatugulu vawe.

Joba 2:8

Khavbo avbo, Joba a diya khala vbatalatunu a vbweta gindzengele a dzi tshuvela khigyo.

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Isaya 22:4

Khu guralo, nyi ganede, kheni: Mu nga nyi khedzi; nyi digeni nyi lila khu wuvi, mu nga zami gu nyi tangadzisa khu kotani nya gumbembiswe ga nyamahegyane wa tigoni gwangu.

Isaya 58:5

Ina guhala nyi gu golago, khugo ogu nya gu muthu a mana litshigu a songa hefemulo waye, a nogisa hungo waye kha nga tshava ni gu puluwundra vbavbatshi nya saku ni gu phorola nguma vbatalatunu; ina khugo ogu guhala nya gukala gu tsakisa Pfhumu Nungungulu, gani?

Ezekiyeli 27:30

Va na khusedza lito va womba huwa khu wuvi wawe watshavbo, khu kotani gwago; va na phorola kudzudzwane hungoni ni gu puluwundra ngumani.

Dhaniyeli 9:3

Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Jona 3:6

Mahungu yaya ma di vboha dzindzeveni ga mufumeli wa Ninivha; uye a di khuga khu vbagikhalotunu gwaye nya wufumu, a tshula dzingandzu nya wufumu, a ambala dzisaku, a puluwundra ngumani.

Matewu 13:42

si va rinya niloni, umo va na guya lilago ni gu ketsa magwaha.

Matewu 22:13

Khavbo avbo, mufumeli a di embela sithumi saye, khuye: ‘Mu hungeni mawogo ni mawundru, mu mu dzudzuga vbavbandze, mugidemani. Avbovbo a na ya lila ni gu ketsa magwaha.’

Matewu 25:30

Gasi githumi gyogyo gi si phasigo gilo, gi rinyeni vbavbandze, mugidemani; avbovbo gi naya lila ni gu ketsa magwaha.’

Josuwa 7:6

Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni.

1 Samuweli 11:4

Myango yi di vboha kala Gibheya iyo a nga bani na gu manegela iyo Sawule, va di tivisa mahungu yaya ga vathu va tigoni. Khavbo avbo, vathu va di lila va womba dzihuwa.