Esiteri 3:1 - Bhibhiliya Nya Guage

¹ Khu hwane nya satshavbo sesi, mufumeli Asuwero, a di khusedza Hamani, mwamana wa Hamedhati, Muagagi, a mu vega gu khala muthangeli nya dzindruna dzaye dzatshavbo.

Esiteri 3:1 Iomraidhean Croise

Genesi 41:40

Uwe kamwe khuwe u na khalago muthangeli nya ndranga yangu. Vathu vangu vatshavbo va na thangedwa khu uwe, eni basi khu vbagikhalotunu nya wufumu, kheni nyi na gu bani nyiri khongolo guvbindra uwe.”

Genesi 41:55

Gikhati ndzala yi nga phela gupwala tigoni ga Egipito, vathu va diya lila ga Faro va lomba guhodza; aholu Faro a di hakha Vagipiti, khuye: “Indrani ga Josefa, girani satshavbo esi a na gu mi embelago.”

Ezira 7:14

Kholu u ngu rumwa khu mufumeli, gumogo ni madhota yaye nya livbandre na mavili, guya wona iso si dugelelago Judheya ni Jerusalema, u wona idzo wu landriswago khidzo Nayo wa Nungungulu wago, u wu modego mandzani gwago.

Esiteri 1:14

Manganagana yaye ma diri aya: Karisena, Setari, Adimata, Tarisisi, Meresi, Marisena ni Memukani, livbandre na mavili manganagana ya Perisiya ni Medhiyani ma nga bani ma khala mbeli ga mufumeli, na mari vbamalangatunu nya guhegule vbasikhalotunu nya wufumu.

Esiteri 3:10

Khavbo avbo, mufumeli a di dusa phera ya mandzani gwaye, a yi ningela ga Hamani, mwamana wa Hamedhati, Muagagi, nala wa Vajudha.

Esiteri 5:11

Hamani a di va tshamusela gutala nya dzithomba dzaye, ni gutala nya sanana saye, ni idzo mufumeli a mu khusedzidego khidzo gu khala muthangeli nya dzindruna ni sithumi sa mufumeli.

Esiteri 7:6

Pfhumugadzi Esiteri a di hakha, khuye: “Nala ni mutshanisi wathu, khu muvivbi yoyu Hamani!” Khavbo avbo, Hamani a di tala khu rerema mbeli ga mufumeli ni ga pfhumugadzi Esiteri.

Esiteri 8:3

Khavbo avbo, Esiteri a di bwelela gambe a ya thega migondroni ya mufumeli na gu lila, a lomba mufumeli gasi a thindrekisa makungo nya wuvivbi nya gusongwe Vajudha ma nga bani ma lugidwe khu Hamani, Muagagi.

Dzindzimo 12:8

Vathu nya guvivbe va gu legalega maphuvbo yatshavbo, vatshavbo va gu ninga wuzundzo silo nya gunyenyeze.

Mavingu 29:2

Va nya gululama va gu fumela litigo, vathu va gu tsaka, aholu, va gufuma va nya guvivbedwa khu myonyo, vathu va gu lila.

Muhevbudzi 10:6

Sipumbu sa gu vegwa malangani ma khusegidego! Aholu va nya gufuma va vegwa malangani ya vbavbatshi.

Dhaniyeli 6:2

A vega vamwamangulu vararu, avbo moyo wakone a nga bani nari Dhaniyeli, vathangeli vava, va diri ni thumo nya guwonelele gasi mufumeli a si luzekedwi khu gilo.

Mitengo 24:7

Khu sifefeni gwawe gu na khulunga mati, ni wulime wawe wu na naganiswa khu mati nya gutale. Mufumeli wawe a na khusega guvbindra Agagi, ni mufumo waye wu na bani wuri ni tshivba.

1 Samuweli 15:33

Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.

1 Samuweli 15:8

A di mola Agagi na nga gu vbanya, mufumeli wa Vaamaleki, a songetela vathu vatshavbo khu matshari.