Esiteri 10:3 - Bhibhiliya Nya Guage

³ Kholu Mujudha Moridhekayi, a diri uye a nga bani a gu landrela mufumeli Asuwero; Moridhekayi a diri muthu a nga bani na gu ningwa ngudzu githawo khu Vajudha, gumogo ni gu salalegisa gidzemo gya va na gyawe, kholu a di vbweta gukhuye va na gyawe va sayisege gwadi na va gu thuma, gasi gu andrisa lifumbu lawe latshavbo.

Esiteri 10:3 Iomraidhean Croise

Genesi 41:40

Uwe kamwe khuwe u na khalago muthangeli nya ndranga yangu. Vathu vangu vatshavbo va na thangedwa khu uwe, eni basi khu vbagikhalotunu nya wufumu, kheni nyi na gu bani nyiri khongolo guvbindra uwe.”

Genesi 45:10

U na ta vbanya tigoni ga Goseni, vbafuvbi ni eni; uwe ni sanana sago, ni situgulwana sago, ni sifuyo sago esi nya sidugwana ni esi nya sikhongolo ni dzithomba dzago dzatshavbo.

Genesi 45:11

Nyi na ta gu hodzisa wulangani wowo, kholu ndzala yi nga na gu simama yi tshanisa ndrani nya livbandre myaga, gasi u si tshaniseki, uwe ni ngamo yago, ni satshavbo si gu lumbago.

2 Dzikoronika 28:7

Zikiri, mwama nya ndrena wa na Efrayimi, a di songa Mahaseya, mwamana wa mufumeli ni Azirikamo, muthangeli wa nyumbani nya wufumu, gumogo ni Elikana, gyandza gya mufumeli.

Nehemiya 2:10

Avbo Sambalati, nya Muhoroni, ni Tobhiya githumi, nya Muamoni, na va pwide esi, va di vbisega ngudzu, khu gupwani womo muthu nya gukari a dzudego guta girela silo nya gukari va na Israyeli.

Esiteri 2:5

Dhoropani mule ga Suza, a di gu vbanya mwama moyo nya Mujudha, lina laye nya gupwani khu Moridhekayi, mwamana wa Jayiri, wa Simeyi wa Khisi nya lihundzu la na Bhejami,

Esiteri 3:2

Satshavbo sithumi sa mufumeli si nga bani si thuma ndrangani gwaye si di gu dzi nogisa si khidzima mbeli ga Hamani, kholu mufumeli, a di leletide kharato. Aholu, Moridhekayi kha dzumela gu dzi nogisa ambari gu mu ninga githawo.

Dhaniyeli 5:16

Va nyi embede gukhavo uwe u nga dzi kodza gu nyi ninga tshamuselo ni gu dusa gukanakana. Gasi olu, wa gu kodza gu hevbula milowo yeyi, ni gu nyi ninga tshamuselo yaye, nyi na gu ambagisa dzingandzu nya siwunguwungu, thamoni gwago nyi gu ambagisa karara nya ndralama, ni gu khala gikhalo nya wuraru nya mufumo wangu.”

Dhaniyeli 5:29

Khavbo avbo, mufumeli Bhalitazari, a di ruma gukhuye va ambagise Dhaniyeli dzingandzu nya giwunguwungu, thamoni va mu ambagisa karara nya ndralama, va mu emisa khu gu ruma gwaye, gu khala vbagikhalotunu nya wuraru nya mufumo waye.

Dhaniyeli 6:3

Khavbo avbo, Dhaniyeli a di hambanide ni vamwamangulu ni vathangeli vava, kholu uye a diri ni liphuvbo nya gusamadzise; avbo mufumeli a nga bani ari ni makungo nya gu mu emise gu khala muthangeli nya litigo laye latshavbo.

Varoma 10:1

Vandriyangu, esi nyi si vbwetago khu monyo wangu watshavbo, nyi si lombago ga Nungungulu milombeloni gwangu, khu gukheni Israyeli a vbanyiswe.

Varoma 14:18

Muthu a thumelago Kristo khu magirelo nya nga ayoyo, a ngu tsakisa Nungungulu, a wuya a zundzwa khu vathu.

1 Samuweli 18:16

Aholu va na Israyeli ni va na Judha vatshavbo, va di gola Dhavhidhe, kholu khuye a nga bani na gu va thangela umo nya dzinyimbi dzawe.

1 Samuweli 23:17

A mu embela, khuye: “U nga thavi, kholu gyandza gya babe wangu Sawule kha gi na gu mana; khu guralo, uwe u na fumela Israyeli, eni nyi na khala gyandza gyago, mahungu yoyo ambari babe wangu Sawule a ngu mati gwadi.”