Esiteri 10:2 - Bhibhiliya Nya Guage

² Mithumo yatshavbo nya mufumo waye, ni wugulu a khusedzidego khuwo Moridhekayi, satshavbo soso si lovidwe umo nya Libhuku nya Matimo ya Vafumeli va Medhiya ni va Perisiya.

Esiteri 10:2 Iomraidhean Croise

1 Dzipfhumu 11:41

Gasi mithumo yatshavbo ya Solomoni, ni satshavbo iso a giridego, ni guti gwaye, satshavbo si lovidwe umo nya Mabhuku nya Matimo ya Solomoni.

1 Dzipfhumu 14:19

Gasi khu mithumo ya Jerobhowamo, dzinyimbi a dwanidego nidzo a nga fumago khidzo, si lovidwe umo nya Libhuku nya Matimo ya Vafumeli va Israyeli.

1 Dzipfhumu 22:39

Gasi simbe si dugeledego ga mufumo wa Akabi, satshavbo a giridego, nyumba nya wufumu a vbahidego khu magwaha nya ndzofu, ni madhoropa yatshavbo a nga bani a ma vbahide, satshavbo si lovidwe umo nya Libhuku nya Matimo ya Vafumeli va Israyeli.

Esiteri 2:23

Gikhati va wudzisedego gwadi mahungu yaya, ma manega na lisine, vama vava khu wuvili wawe va di vbayegwa vbasimbotunu vafa. Mahungu yaya, ma lovidwe umo nya Libhuku nya Matimo, na ma gu wonwa khu mufumeli.

Esiteri 6:1

Wutshiguni wowo, mufumeli Asuwero, kha nga mana ligovbe. Khu guralo, a di rumela gu resedwa Libhuku nya Matimo li ta hevbudwa mbeli ga mufumeli.

Esiteri 8:15

Khavbo avbo, Moridhekayi, a di duga khu nyumbani nya wufumu na ambade dzingandzu nya wufumu nya livala nya nga la damboni ni guaga, na ambade gihugu nya wufumu nya ndralama ni libhadzi nya giwunguwungu nya seda; lidhoropa la Suza li di kulungela khu gu tsaka.

Esiteri 8:2

Mufumeli a di dusa phera yaye a nga bani a yi dzegide ga Hamani a ningelaga Moridhekayi; khavbo avbo, Esiteri a di vega Moridhekayi kha nga muthangeli nya thomba ya Hamani.

Esiteri 9:4

Kholu Moridhekayi a diri ni gikhalo nya gukhugege vbawufumutunu, ni ndruma yaye, yi di phalalegide ni mayigo yatshavbo ya mufumeli; Moridhekayi a diya na gu engedzelana gu dandriswa a mana wugulu nya wukhongolo.

Dzindzimo 18:35

Uwe u ngu nyi ninga gitshangu gyago nya guvbanyise, libogo lago la nyamudye li ngu nyi tiyisa, khu garali khu gu nyi sayisa khu wuwadi wago.

Dhaniyeli 2:48

Khavbo avbo, mufumeli a di dandrisa Dhaniyeli, a mu ninga sihiwa nya singi, ni gu mu emisa gu khala mwamangulu nya gipandrengulu gya Bhabhiloni, gumogo ni gu khala muthangeli wa vagengeli vatshavbo va Bhabhiloni.