Esiteri 1:4 - Bhibhiliya Nya Guage

⁴ Gasi guta va yeyedza dzithomba ni guzundzega nya mufumo waye, a va yeyedza gambe wumburi ni wugulu nya mufumo waye kala guvbela lizana ni livbandre na mararu magumi (180) matshigu.

Esiteri 1:4 Iomraidhean Croise

1 Dzikoronika 29:25

Pfhumu Nungungulu a di khusedza ngudzu Solomoni vbakari ga va na Israyeli vatshavbo, a dandrisa wufumu waye guvbindra vafumeli vatshavbo va fumedego Israyeli na si gu fumi uye.

Esiteri 1:3

khu mwaga nya wuraru nya gufume gwaye, Asuwero a di girela buzo dzindruna dzaye gumogo ni sithumi saye satshavbo. A di tombanisa vagimbidzisi nya dzinyimbi dza Vaperisiya ni Vamedhi, manganagana ni vathangeli nya sipandrengulu va di manega vatshavbo.

Esiteri 1:5

Na ma vbede matshigu yaya, mufumeli Asuwero a di ramba vathu vatshavbo va vbahidego likhokholani la Suza, gukhugela vakhongolo kala sanana, a va girela buzo gipimo nya livbandre na mavili matshigu, tandralani nya tsindza wa mufumeli.

Joba 40:10

Dzi ambagise khu wugulu ni wudhumo, u ambala gungangamela ni wuzundzo.

Dzindzimo 145:5

Avo va na ganela khu wudhumo ni wugulu wago, eni nyi na embelela nyi pwadza siliwugiso sago.

Dzindzimo 21:5

Gupala gwago gu dandriside wuzundzo waye, u mu ambagiside wudhumo ni gungangamela.

Dzindzimo 45:3

Hunga litshari giwununi gwago, uwe ndrena; kholu u ngu zundzega ni guthavisega!

Dzindzimo 93:1

Pfhumu Nungungulu a ngu fuma! Ambade gungangamela, a fenengela tshivba. Tiyiside litigo wulangani gwaye, kha li dzi kodzi gu kutsungwa.

Isaya 39:2

Ezekhiya a di nengela ngudzu khu silo sile, avbo a nga va dzegago a hongola navo aya va yeyedza nyumba nya thomba yaye, gumogo ni parata ni ndralama, mafura nya gutole ni mafura nya gunungele, nyumbani gwaye nya guvege matshari, ni satshavbo si nga bani si romo dzinyumbani gwaye nya guvegedzele dzithomba dzaye; gimwalo ni gimwegyo gya ndrangani gwaye ni gya tigoni gwaye, Ezekhiya a ngamba va yeyedza.

Ezekiyeli 28:5

khu kotani nya guandre nya guti gwago, omu nya wugwewo wago, u engedzede dzithomba dzago; gambe khu kotani nya idzo, u ngu dzi gugumugisa.

Dhaniyeli 4:30

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Dhaniyeli 4:36

Khu gikhati gyogyo, ma di wuya mapimo yangu, nyi bwelo khavbo nyi mana wuzundzo, wugulu ni wudhumo nya mufumo wangu, nyita dzegwa khu dzindruna ni vathangeli vangu, nyi bweledzedwa mufumo wangu, nyi engedzedwa wudhumo guvbindra guhegulani.

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Matewu 4:8

Sathane a di mu dzega nyaluphye a hongola naye gigomoni nya gulaphe ngudzu, avbo a ngaya mu leyedza mifumo yatshavbo nya mafu ni dzithomba dzakone,

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Varoma 9:23

Dzinide gambe gu yeyedza talo nya wufumu waye ga vale a va hathidego, kholu a hi pwede wusiwana a hi dongisela guya hengela naye wudhumoni gwaye.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

Gutuledwa 4:11

“Pfhumu Nungungulu wathu, u ngu yedwa khu gu hakha gidhumo, ni rungudzo ni tshivba, kholu khuwe Muvangi nya silo satshavbo; khu gudzina gwago u si vangide ni gu si tumbulugisa.”