Esiteri 1:2 - Bhibhiliya Nya Guage

² Khu matshigu yale, mufumeli Asuwero na khade vbagikhalotunu gwaye nya wufumu gi manegago dhoropani ga Suza, tsindza nya mufumo,

Esiteri 1:2 Iomraidhean Croise

2 Samuweli 7:1

Avbo mufumeli Dhavhidhe a nga bani na khade nyumbani gwaye, Pfhumu Nungungulu na mu ningide gikhati nya guhefemule ga valala vaye, va nga bani va mu randrede,

1 Dzipfhumu 1:46

Gu diga nya isoso, Solomoni khade vbagikhalotunu nya wufumu.

Nehemiya 1:1

Aya khu magana ya Nehemiya mwamana wa Hakaliya. Si giregidego khu ngima nya Kisilewu, khu mwaga nya magumavili, eni na nyiri likhokholani ga Suza.

Esiteri 2:3

Ni gukhayo mufumeli a na rumele dzindruna sipandrenguluni gwatshavbo a fumelago umo, gasi gu tombanisa dzimbiri dzatshavbo nya makendzi nya gumbure na dzi khalegide gwadi, va dzi resa dhoropani gwa Suza, tsindza nya litigo, vata hakhwa khu Hegayi, thenwa a wonelelago vagadzi va mufumeli gasi va ya dongisedwa wumburi nya wadi.

Esiteri 2:5

Dhoropani mule ga Suza, a di gu vbanya mwama moyo nya Mujudha, lina laye nya gupwani khu Moridhekayi, mwamana wa Jayiri, wa Simeyi wa Khisi nya lihundzu la na Bhejami,

Esiteri 3:15

Myango yi di rumedwa khu givbiredza khu nayo wa mufumeli, wu dugede likhokholani la Suza, gasi mufumeli ni Hamani va di khala vbavbatshi va sela; aholu dhoropani ga Suza gu diri ni pfilupfilu.

Esiteri 4:16

Indra tshanganisa Vajudha vatshavbo va vbanyago dhoropani ga Suza, mu hala khu eni mu vbedza matshigu mararu mu si hodzi ni gu sela gilo wutshigu ni mihani, eni neni gumogo ni sithumi sangu hi na hala. Khu hwane, nyi na ya wonana ni mufumeli, ambari wu si gu nayo; nya gufa, nyi fude.

Dhaniyeli 4:4

Eni mufumeli Nabhukodhonosori, na nyiri nyumbani gwangu nya wufumu ya gitezi, na nyi khade nyi tangala.

Dhaniyeli 8:2

Umo nya giwoniso gyangu, nyi di dzi wona na nyiri dhoropani ga Suza, gipandrengulu gya Elamo, ga giwoniso gegi, nyi diri vbafuvbi ni tsongo wa Ulayi.