Ekisodha 13:2 - Bhibhiliya Nya Guage

² “U na phasela Eni gyanana gyatshavbo nya matiwula, gyanana gyatshavbo nya guphele ndrani ga mayi waye, vbakari nya vathu va na Israyeli ni nya sirengo, gya gu lumba Eni.”

Ekisodha 13:2 Iomraidhean Croise

Nehemiya 10:36

ni matiwula nya sanana sathu nya sikhwathana, ni ya Tshambini gwathu, kha nga idzo gu lovidwego khidzo umo nya nayo; gupwani matiwula nya dzimombe dzathu, ni aya nya dzinvuta dzathu, hi na resa ga vaphasi nya mhamba va thumelago Nyumbani ga Nungungulu wathu.

Nehemiya 10:37

Khu magirelo ya mamowo, hi na resa umo nya dzinyumba nya guvegedzele dzithomba dzi guromo Nyumbani ga Nungungulu wathu, ga vaphasi nya mhamba, mihandro nya wuguvbi nya guphele, nya miningelo yathu, ni mihandro nya misimbo yathu yatshavbo niyo nya wadwa nya vhinya, nya mafura, hi ningela va na Levhi mihengo nya likhumi ya mahangeni gwathu; kholu khavo va vegidwego gu hengisa madhoropani gwatshavbo satshavbo nya lithonga lathu.

Ekisodha 13:1

Pfhumu Nungungulu a di ganela a embela Mosi, khuye:

Ekisodha 22:28

U nga nyenyi Pfhumu Nungungulu wago, gambe u nga vali muthangeli wanu.

Ekisodha 23:19

U na resa Nyumbani ga Pfhumu Nungungulu wago matiwula nya mihandro nya guhegule nya litigo lago. U nga phuli phongo ndrani nya mahwe ya mayi waye.

Ekisodha 4:22

Uwe u na embela Faro, khuwe: “Pfhumu Nungungulu wari, khuye: Gyanana gyangu nya matiwula khu Israyeli.

Ezekiyeli 16:20

Gu diga isoso, u dzegide ambari ni sanana sago nya sikhwathana ni sagadzyana u nyi velegedego, u gira khiso miphaso, gasi si hodzwa khu sithombe soso. Ina khu guralo, wuphuphulu wago wu dugwana, gani?

Ezekiyeli 16:21

U songetede sanana sangu, u si vbisa niloni, u gira ningelo ga sifananiso.

Levhi 27:26

Aholu matiwula nya gifuyo, kha nga gi lumbago Pfhumu Nungungulu, mwalo a yelago gu gi ningela; ambari nari mombe mwendro nvuta, sa gu lumba Pfhumu Nungungulu.

Mitengo 18:15

Matiwula yatshavbo nya vathu mwendro nya sirengo, va na gu resago ga Pfhumu Nungungulu, ma na lumba uwe; aholu matiwula nya vathu ni matiwula nya sirengo nyamba aga u na rumela ma dzegiswa.

Mitengo 3:12

“Wona nya gukhuwe Eni nyi hathide va na Levhi vbakari ga na Israyeli, wulangani nya gu na nyi dzegide matiwula yatshavbo a gu mihandro nya guphele ya mahembeni ya na Israyeli. Va na Levhi va na khala vangu,

Mitengo 3:13

kholu matiwula yatshavbo ma gu lumba Eni gukhugela litshigu lile nyi nga songa matiwula yatshavbo tigoni ga Egipito. Nyi phasede avbo gwangu matiwula yatshavbo ya na Israyeli, gukhugela ayo nya vathu kala nya sifuyo; ma gu lumba Eni. Eni kheni Pfhumu Nungungulu.”

Luka 2:23

kha nga idzo a rumago Nayo wa Pfhumu wu gukhuwo: “Mwamana watshavbo nya matiwula a na phasedwa Pfhumu”;

Dhewuteronome 15:19

Matiwula yatshavbo ma na gu velegwago tshambini gwago nya dzimombe mwendro nya dzinvuta, ayo nya matune, u na phasela Pfhumu Nungungulu wago; matiwula ya phandroni gwago nya dzimombe, u nga tshuki u ma thumisa, ambari matiwula nya dzinvuta dzago u nga ma gayi mawoya.

Vahebheru 12:23

Enu mu vbohide tshanganoni nya wukhongolo ni libandla nya sanana nya matiwula sa Nungungulu, sile malina yawe ma lovidwego ndzadzini. Enu mu vbohide ga Nungungulu a gu mulamuli nya vathu vatshavbo, ni ga maphuvbo ya vale va lulamidego va vbelela.