Dzindzimo 99:8 - Bhibhiliya Nya Guage

⁸ Pfhumu Nungungulu wathu, uwe u di va hakha! U va yeyedzide gukhuwe u Nungungulu nya gutsetselele, ambari khu kharato, u di tsayisa mithumo yawe.

Dzindzimo 99:8 Iomraidhean Croise

2 Samuweli 12:14

Aholu kha nga u gorosidego Nungungulu khu iso u giridego, khu lisine mwamana a gu velegedego a nafa.

Dzindzimo 78:38

Aholu Nungungulu khu wuhindzi waye, a di va tsetselela sighoho sawe a si va mbembisi, gikhati nya gingi thindrekiside likhulo laye, a si va gorogeli khu giviti.

Dzindzimo 89:33

ambari ulo nyi na sayisa lihaladzo langu ga Dhavhidhe, gutumbega gwangu gu na simama gwawe.

Ekisodha 32:2

Khavbo avbo, Aroni a di va hakha, khuye: “Dusani dziphera nya ndralama dzi guromo dzindzeveni dza vagadzi vanu, dza sanana sanu nya sikhwathana nesi nya sagadzyana, mu nyi resela avba.”

Ekisodha 34:7

wuhindzi waye wu thaphelago kala ga gitugulwana nya likhumi mazana, A tsetselelago guvivba, guyeyisa ni gughoha; aholu A si tshuligo vale va gu ni nandru; A tsayisago sihoso sa vavelegi ga sanana sawe ni ga sanana sa sanana sawe, kala gu vboha ga melana nya wuraru mwendro nya wu na.”

Muhevbudzi 7:29

Iso nyi si manidego basi khesi: Nungungulu a di gira muthu nya gululame, aholu uye a di dzi vbwetela dzimbe dzindzila nya guwegele.

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Sofoniya 3:7

Eni nyi di, kheni: Khu lisine, olu mu na nyi ninga githawo; mu dzumela gulaywa; khu kharato ndranga yanu ya sa mbembiswa, kha nga idzo nyi nga bani nyi na hungide khidzo, aholu avo va di vindrugela guwuga ni dzimindru va gu ghohetela sigiro sawe.

Mitengo 20:12

Pfhumu Nungungulu a di embela Mosi ni Aroni, khuye: “Kholu mu ngamba khodwa gwangu, gasi mu nyi agisa mbeli ga va na Israyeli, kha mu na bedza tshangano yoyu ga litigo nyi na gu va ninga.”

Mitengo 20:24

“Aroni a na ya lala gumogo ni vakokwe vaye, kholu kha na bela tigoni eli nyi ningidego sanana sa Israyeli, kholu mu ngamba yingisa lito langu matini ya Meribha.

Varoma 1:21

Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.

Dhewuteronome 3:26

Khu guralo, Pfhumu Nungungulu a di nyi gorogela, khu kotani gwanu, kha nga nyi yingisa; a di nyi embela, khuye: Basi! U nga nyi embeli gambe khu isoso.