Dzindzimo 99:4 - Bhibhiliya Nya Guage

⁴ Uwe u Pfhumu nya tshivba u golago gululama, U tiyiside esi si lulamidego, u ngu lamula sanana sa Jakobe khu nayo ni lisine.

Dzindzimo 99:4 Iomraidhean Croise

Joba 37:23

Mwalo uye a kodzago gu hidzimela ga Uye a gu na ni Tshivba Yatshavbo, Uye khongolo a na ni tshivba tade khu gululama, gima kha tshanisi muthu.

Dzindzimo 11:7

Kholu Pfhumu Nungungulu lulamide, a gu gola gululama; va nya myonyo nya yadi, va na wona khovbe yaye.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Isaya 42:4

Kha na vbela tshivba ambari gu garala, kala a gu tivisa gululama tigoni; mayigo ya sidwani ma na lirela gupwa sihevbudzo saye.

Isaya 61:11

Kholu kha nga mafu ma bugisago misimbo yatshavbo, ni lithembwe li bugisago dzimbewu dzi yadwego umo, kharato nuye Mune, Pfhumu Nungungulu, a na bugisa gululama ni wuzundzo vbakari nya mayigo yatshavbo.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Dhewuteronome 10:18

a lamulago khu gululama dzikhulungu ni vamalile, ni gu gola valuveli, a va ninga guhodza ni guambala.

Judha 1:15

guta lamula vatshavbo, ni gu tsayisa vatshavbo va si thavigo Nungungulu, khu kotani nya mithumo yawe yatshavbo nya guvivbe, ni magana yawe yatshavbo nya guthise ma ganedwego khu sighohi si ngamba khodwa va nga bani na gu yuyutela khayo.”

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”