Dzindzimo 97:3 - Bhibhiliya Nya Guage

³ Nilo wa gu thanga mbeli gwaye, wu vbisa valala va mu randredego.

Dzindzimo 97:3 Iomraidhean Croise

Dzindzimo 18:8

Wu di duga wutshi khu dzithonvuni gwaye, khu kanani gwaye, gu duga nilo nya guvbise, gu duga magala nya gungangamele.

Dzindzimo 18:9

Uye a di tula ndzadzini a tshiga, na gandride lipfhi nya gusivbale migondroni gwaye.

Dzindzimo 50:3

Nungungulu wathu a nguta, kha nata degula; mbeli gwaye wu ngu dzura nilo nya guvbise; randredwe khu phuvbo nya gingulu.

Ezekiyeli 1:4

Nyi di khedza nyi wona gingulu gi nga bani gi guta khu Wuronga; lipfhi nya likhongolo, na liri ni nilo nya wukhongolo wu nga bani wu wenengedza malangani gwatshavbo, gu duga khu vbakari gwaye, gilo nya dzisimbi nya gukhedzige gi nga bani gi duga khu vbakari nya nilo.

Dhaniyeli 7:10

Wu di duga tsongo nya nilo khu mbeli gwaye, a thumedwa khu mazanazana nya vathu; mbeli gwaye gu diri ni makhulukhulu nya vathu. Phathani gu di phedwa gu lamudwa mahungu, gu tudwa mabhuku.

Habhakuka 3:5

Mbeli gwaye gu di thanga mitungu; gasi hwane gwaye gu landrela madwali nya guthise.

Malakiya 4:1

Kholu wonani nya gukhenu nya guvbise kha nga nilo nya magala; vatshavbo va nya matshandza, ni vatshavbo va girago guvivba va na gira kha nga mwasi nya gubange; litshigu lolo li na vbohago, li na va vbisa nyamba tshiya gilo gwawe, ambari khamba mwendro matamo, a ngu ganela Pfhumu Nungungulu nya Tshivba Yatshavbo.

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

Dhewuteronome 4:11

Khu guralo, enu mu hidzimede mu vboha vbafuvbi ni gigomo; gigomo gi di bani gi gu khondra nilo kala ndzadzini, vbakari nya gidema, ni mapfhi ni guphuma.

Dhewuteronome 4:36

Khu ndzadzini a gu giride upwa lito laye, gasi gu gu hevbudza, mafuni a gu yeyedzide nilo waye nya wukhongolo, gambe khu vbakari nya nilo u pwide magana yaye.

Dhewuteronome 5:4

Pfhumu Nungungulu ganede ni ethu khovbe ni khovbe nari gigomoni, khu vbakari nya nilo.

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

Vahebheru 12:29

Kholu, khu lisine, Nungungulu wathu, nilo nya gupfhungumule.

Gutuledwa 11:5

Uye a na gu vbwetago gu dzi ghohetela, a na khale na gu dziti gukhuye gu na duga nilo khu kanani gwawe, wu na gu vbedzago valala vawe. Vale va na lingago gu dzi ghohetela va na fisa guralo.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.