Dzindzimo 92:3 - Bhibhiliya Nya Guage

³ na gu wombwa mihwambi ni mitandrandra, na gu embeledwa khu sitendre.

Dzindzimo 92:3 Iomraidhean Croise

1 Dzikoronika 13:8

Dhavhidhe ni vatshavbo va na Israyeli, va di hana mbeli ga Nungungulu, khu monyo wawe watshavbo; va embelela, va womba sitendre, ni dzimbila, singomana, sitshatsharu ni mipundru.

1 Dzikoronika 15:16

Dhavhidhe a di embela vathangeli va na Levhi, gu va wumba tsawa vbakari ga va na gyawe nya vaembeleli, gasi va womba siwombawomba nya gufanane ni dzimbila, sitendre ni siphaphato nya dzisimbi, va gira ligwaha ni gutsaka.

1 Dzikoronika 23:30

Khu litshigu ni litshigu, dzimindrudzile ni silambosile, va fanede gu resa ga Pfhumu Nungungulu va mu bonga ni gu mu rungudza.

1 Dzikoronika 25:6

Vatshavbo va di gu thangedwa khu babe wawe gasi gu embelela Nyumbani ga Pfhumu Nungungulu va womba siphaphato nya dzisimbi, ni dzimbila ni sitendre, khu thumo wa Nyumbani gwa Nungungulu, Asafi, Jedhutumi ni Hemani na va gu leletedwa khu mufumeli.

2 Dzikoronika 20:28

Va di vboha Jerusalema vaya bela Nyumbani ga Nungungulu na va gu womba mihwambi, sitendre ni mipundru.

2 Dzikoronika 23:5

gimbe gipandre nya wuraru, gi na khala ndrangani ga mufumeli; ni gimbe gipandre nya wuraru, gi na khala nyangwani nya giseketelo; gasi vathu vatshavbo, va na khala likupakupani nya Nyumba ya Pfhumu Nungungulu.

2 Dzikoronika 29:25

A di emisa va na Levhi Nyumbani ga Pfhumu Nungungulu, na vari ni dzingoma ni sitendre ni dzimbila, kha nga guleletela ga Dhavhidhe ni Gadhi, muwoneleli wa mufumeli ni wa muprofeti Natani; kholu gileletelo gegi, gi dzude khu ga Pfhumu Nungungulu, khu magana ya vaprofeti vaye.

Nehemiya 12:27

Gikhatini nya gukhangudwe libhiyo la Jerusalema, gu di ranwa khu malangani nya guhambanelane, va na Levhi vatshavbo gasi vata khangula libhiyo khu gutsaka, na va gu embelela khu dzindzimo, ni gudhumisa khu dzingoma, sitendre, dzimbila ni mitandrandra.

Dzindzimo 149:3

Va na dhumise lina laye khu gu hana, va embelela na va gu womba sitendre ni dzingoma.

Dzindzimo 33:2

Rungudzani Pfhumu Nungungulu khu gitendre, mu embelela dzindzimo khu gitendre nya likhumi dzingodzi.

Dzindzimo 42:9

Nya gu vbweta gu mu embela, kheni: “Uwe Nungungulu, muvhikeli wangu, khu ginani u nyi digidego? Khu ginani nyi na gimbilago na nyi gu vbisega ni gu tshaniswa khu valala vangu?

Dzindzimo 57:8

Khendzuga, uwe hefemulo wangu! Gitendre ni hwambi, wugani! Nya gu vbweta gu wusa Wuronga.

Dzindzimo 68:25

Vaembeleli nya dzindzimo va thangide mbeli, khu hwane va landrela vawombi nya sitendre, khu vbakari si fode sagadzyana nya makendzi, na si gu womba mitandrandra.

Dzindzimo 9:16

Pfhumu Nungungulu a dzi yeyedzide, khu gulamula gwaye nya gululame; oyu nya guvivbe monyo, a di konwa khu malipha yaye.

1 Samuweli 10:5

Khavbo avbo, u na hongola gigomoni gya Nungungulu, avbo gu gu ni lizumbo nya vawoneleli va Vafilisitiya; gikhati u na belago dhoropani, u na tshangana ni tsawa nya vaprofeti na va gu tshiga khu gigomoni, na va thangedwe khu vawombi nya dzimbila, dzingoma, misengele ni sitendre, na va guprofeta.