Dzindzimo 86:8 - Bhibhiliya Nya Guage

⁸ Vbakari nya vanungungulu vatshavbo mwalo a fananago ni uwe, Pfhumu; mwalo a kodzago gu gira mithumo uwe u yi girago.

Dzindzimo 86:8 Iomraidhean Croise

2 Dzikoronika 2:4

Wona, nyi ngu vbweta guvbaha nyumba yi lumbago lina la Pfhumu Nungungulu wangu. Yi na khala nyumba nya miphaso, nyi vbisela umo libani mbeli Gwa Pfhumu, ni gu vega umo sibaba nya miphaso matshigu yatshavbo, ni miphaselo nya guvbiswe dzimindrudzile ni silambosile, khu dzisabhadho ni gumega nya ngima, ni mibuzo ya Pfhumu Nungungulu wathu; a gu fanelo nyamba vbela ya Israyeli.

Dzindzimo 135:5

Kholu nyi ngu dziti gwadi gukheni Pfhumu Nungungulu khongolo, ni gu, Nungungulu wathu womo vbatshani guvbindra vanungungulu vatshavbo.

Dzindzimo 136:4

khuye basi a girago siliwugiso nya sikhongolo, kholu lihaladzo laye li ngu simama kala gupindruga;

Dzindzimo 89:6

Kholu khu mani a guromo ndzadzini nya gufanane ni Pfhumu Nungungulu? Vbakari nya sivangwa sa ndzadzini, khu mani a fananago ni Pfhumu Nungungulu?

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Dzindzimo 89:8

Pfhumu Nungungulu nya Tshivba Yatshavbo, khu mani a gu ni tshivba kha nga uwe Pfhumu Nungungulu? Tshivba ni gu tumbega gwago si gu randrede.

Dzindzimo 95:3

Kholu Pfhumu khuye Nungungulu nya khongolo; a ngu fumela vanungungulu vatshavbo a va pala khu wugulu.

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Ekisodha 8:6

Aroni a di thawuludza mandza yaye vbatshani nya mati, vanyakhele va di duga va fenengedza litigo latshavbo la Egipito.

Isaya 40:18

Nungungulu nyi na mu fananisa ni mani, gyomo igyo mu no gi fananisago naye, gani?

Isaya 40:25

“Nyi na dzi fananisa ni mani gasi nyi godzana naye?” A ngu wudzisa uye a Agidego.

Jeremiya 10:16

Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Dhaniyeli 3:29

Khu guralo, eni nyi leletede gukheni muthu watshavbo wa levbini litigo, lifumbu ni lidimi a na ganelago guvivba khu Nungungulu wa Sadraki, Misaki ni Abhedhi-Negho, a na vbadzuledwe ni dzinyumba dzawe dzi na khale matala nya marumbi, kholu mwalo mumbe nungungulu a kodzago gu vbanyisa kha nga oyu.”

Dhewuteronome 3:24

Ama Pfhumu Nungungulu! U phede gu yeyedza ga githumi gyago wugulu wago ni libogo lago nya tshivba; khu mani mumbe nungungulu, ndzadzini mwendro mafuni a dzi kodzago gu gira mithumo yago, ni tshivba nya nga u giridego?

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?