Dzindzimo 85:8 - Bhibhiliya Nya Guage

⁸ Nyi na yingisa esi Pfhumu Nungungulu a na ganelago, kholu a na ganela khu mahungu nya gurule ga vathu vaye, ni ga vale va khodwago gwaye; gasi va si wuyeleli gambe wupumbuni.

Dzindzimo 85:8 Iomraidhean Croise

Genesi 34:7

Avbo sanana nya sikhwathana sa Jakobe si nga wuyago khu panini, si di goroga ngudzu khu kotani nya iso si nga dugelelago. Likhulo lawe li diri likhongolo ngudzu kholu Sikemi a di giride silo nya guvivbe khu gu lala ni gyanana gya Jakobe esi si si yeligo gu girega.

Dzindzimo 130:4

Aholu avbo gwago u ngu kodza gu divalela avo va gu ningago githawo.

Dzindzimo 29:11

Pfhumu Nungungulu a ngu ninga tshivba vathu vaye, Pfhumu Nungungulu a ngu kategisa vathu vaye khu gurula.

Dzindzimo 50:5

“Tombanisani va nya guaga vangu, vale va nga hunga gidzumeledzwano ni eni khu miphaso.”

Mavingu 25:11

Mahungu ma ganedwago khu gikhati gyaye, kha nga sifananiso nya makandzu nya ndralama ma tshavedwego somboni nya parata.

Mavingu 27:22

Gipumbu ambari gya hindzwa kununi nga mavbila, gima kha gi hambani ni wupumbu waye.

Isaya 57:19

Nyi na va embela vatshavbo, kheni: “Gurula ga vale va guromo hwindzo ni vale va guromo vbafuvbi.” Eni nyi na va vbanyisa, a ngu ganela Pfhumu Nungungulu.

Habhakuka 2:1

Nyi na khala wulangani gwangu nya guwonelele, nyi na lita vbatshani nya likhokhola, gasi nyi khedzisela khu mani a ganelago, ni gukheni phindrulo muni nyi na mu ningago ga giwudziso gyangu.

Agewu 2:9

Wudhumo wa nyumba yeyi nya guhegise wu na bani wuri wukhongolo guvbindra uwo wa iyo nya guhegule, a ngu ganela Pfhumu Nungungulu nya Tshivba Yatshavbo; wulanga wowu nyi na resa gurula, a ngu ganela Pfhumu Nungungulu nya Tshivba Yatshavbo.”

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Johane 14:27

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Johane 20:19

Litshigu lolo, ni silambo, litshigu nya guhegule nya semana, na ma segidwe malimba nya nyumba, umo va nga bani varomo vapizane, khu gu thava vakhongolo nya Vajudha, Jesu a di dzi wonegisa vbakari gwawe, khuye: “Gurula gu na khale ni enu.”

Johane 20:26

Na ma vbindride livbandre na mararu matshigu, na varomo gambe nyumbani vapizane gumogo ni Tomasi, va di tedwa khu Jesu, na ma segidwe malimba, a gu dzi wonegisa vbakari gwawe, khuye: “Gurula gu na khale ni enu.”

Johane 5:14

Hwane nya isoso, Jesu a diya mu mana Nyumbani ga Nungungulu, a mu embela, khuye: “U vbanyisidwe, u nga ghohi gambe, gasi u si dugeledwi khu mambe madwali nya guvbindre aya.”

Johane 8:11

A di hakha, khuye: “Mwalo, Pfhumu.” Jesu a di ganela, khuye: “Eni neni kha nyi gu giri gilo. Indra basi, aholu gukhugela muhuno u nga engedzi gambe gughoha.”]

Mithumo 10:36

Rumede magana yaye ga sanana sa na Israyeli, a gu si rumela mahungu maphya nya yadi nya gurule khu Jesu Kristo, a gu Uye Pfhumu nya vathu vatshavbo.

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Vagalatiya 4:9

Gasi olu mu mutigo Nungungulu, ni olu muhuno mu tidwago khu Nungungulu, khu ginani mu bwelelela hwane muya dzi gira gambe dzikhumbi nya silo si gu mwalo giphaso?

Vaefeso 2:17

Guta gwaye gu hi resede mahungu yadi nya gutsakise, nya gurule; gurula ga enu mu nga bani muri hwindzo, ni ga avo va nga bani na vari vbafuvbi.

2 Vatesalonika 3:16

Gasi Pfhumu, Nungungulu nya gurule a na mi ningeni gurula gwaye khu maphuvbo yatshavbo. Pfhumu yi na khale ni enu mwatshavbo.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Gutuledwa 3:19

Eni, nya gu kawuka ni gu laya avo nyi va golago. Khu kharato, dzi garadze, u vbindrugedza mavbanyelo u wuye ga Nungungulu.

1 Samuweli 25:25

Mune wangu, u nga theli kota khu mwama yoyu nya dzihanyi, a gu uye Nabhali, kha nga li tshamuselago lina laye. Khu lisine khuye Nabhali kha nga a gu idzo ni wupumbu waye. Gasi eni githumi gyago kha nya ma wona madzaha ya mune wangu, u ma rumidego.