Dzindzimo 85:7 - Bhibhiliya Nya Guage

⁷ Pfhumu Nungungulu, hi yeyedze wuhindzi wago bwelo khavbo u hi vbanyisa!

Dzindzimo 85:7 Iomraidhean Croise

Dzindzimo 50:23

Wule a nyi ningago phaso nya gubonge, uyoyo a ngu nyi rungudza; wule a dongiselago ndzila yaye, nyi na mu nonedza guvbanyisa ga Nungungulu.

Dzindzimo 91:16

Nyi na mu engedzela matshigu nya guvbanye, nyi mu yeyedza guvbanyisa gwangu.”

Jeremiya 33:10

Pfhumu Nungungulu a ngu ganela kharati, khuye: Wulanga wowu mu wu ranago khenu giwula nyamba khadwa khu muthu ambari sirengo, khu guralo, madhoropani ya Judha ni dzindzilani ga Jerusalema, gu ghohetedwego nyamba manega muthu ambari gu khadwa khu vathu ni sirengo, gu nga na gu pwala gambe

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Jeremiya 42:12

Eni nyi na mi pwela wuhindzi, uye nuye mufumeli wa Bhabhiloni a na mi pwela wuhindzi a mi bweledza tigoni gwanu.