Dzindzimo 85:1 - Bhibhiliya Nya Guage

¹ Pfhumu Nungungulu u kategiside litigo lago; u wusedzide guandra ga Jakobe.

Dzindzimo 85:1 Iomraidhean Croise

Ezira 1:11

Mikanvu yatshavbo nya ndralama, niyo nya parata yi diri livbandre magumi mazana ni mazana mana (5.400); satshavbo sombo sesi si dzegidwe khu Sesibhazari, a wuya naso gikhati avo va nga bani vari wugumbitunu va khugidego khu Bhabhiloni va wuya Jerusalema.

Dzindzimo 14:7

Nari pwani khu Siyoni, gu nguta guvbanyiswa ga Israyeli! Gikhati Pfhumu Nungungulu a na wuyisago nyaluphye sanana nya vathu vaye si vbagedwego, Jakobe a di hadza gu womba mikulungwane, Israyeli a di hadza gunengela ngudzu.

Dzindzimo 42:1

Gufanana ni yisya yipwago lidora yi tutumela tsongoni nya mati, hefemulo wangu wu ngu gu suva Nungungulu wangu.

Dzindzimo 77:7

Ina Pfhumu a gu vbweta gu nyi digela muphelo, gani? Guyeyedza gupwani uye kha na hi hakha gambe, gani?

Jeremiya 30:18

Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Joyele 2:18

Khu guralo, Pfhumu Nungungulu a na pwela wusiwana litigo laye, a na tsetselela vathu vaye.

Joyele 3:1

Dzitini gukhenu khu matshigu yoyo ni gikhati gyogyo, avbo nyi na wuyisago Judha ni Jerusalema khu wugumbitunu,

Levhi 26:42

eni neni nyi na dundruga gidzumeledzwano gyangu nyi giridego ni Jakobe, ni Isaki, ni Abrahama, nyi dundruga gambe ni litigo lawe.

Zakariya 1:16

Khu guralo, Pfhumu Nungungulu, a ngu ganela kharati, khuye: “Eni nyi na wuya nyaluphye Jerusalema na nyi tade khu gisiro; nyumba yangu yi na vbahedzwa umo, a ngu ganela Pfhumu Nungungulu nya Tshivba Yatshavbo, ni ngodzi nya gupime khiyo, yi na thawuludzwa Jerusalema.”