Dzindzimo 83:4 - Bhibhiliya Nya Guage

⁴ Vari, khavo: “Deluni, hongoleni hi fuvise vathu va na Israyeli, gasi lina lawe li futwa muphelo li si alakanywi gambe.”

Dzindzimo 83:4 Iomraidhean Croise

Nehemiya 4:2

A di ganela mbeli ga vandriyaye ni ga masotshwa ya Samariya, khuye: “Ginani si girago sisiwana sesi nya Vajudha? Ina hi va diga va gira esi gani? Olu va girago miphaso, va na li wusa khu litshigu limwedo, gani? Ina va na wusa siwindri sesi si khadego litala nya nguma khu gu vbiswa, gani?”

Dzindzimo 74:8

Khu myonyoni gwawe va di ganela, khavo: “Hongoleni hi va fuvise khu gumogo basi.” Va di vbisa malanga yatshavbo nya gukhozele umo Nungungulu tigoni gwathu.

Ekisodha 1:10

Gu vbweta hi dzi wonela gwawe, gasi va si simami va velegelana, gasi ya gu dugelela nyimbi, va si emi ni valala vathu va hi wugela va kodza gu duga tigoni momu.”

Mavingu 1:12

hongoleni hi va midza na va nga gu vbanya, kha nga lithowo; khwatshi khu vale va relelago phalani.

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Jeremiya 31:36

Pfhumu Nungungulu a ngu ganela, khuye: “Milayo yeyi ya gu fuva mbeli gwangu, khavbo nugo lihundzu la na Israyeli li na fuvago li si khali gambe litigo mbeli gwangu kala gupindruga.”

Jeremiya 48:2

Wudhumo wa Mowabhi wu vbede; khu Hesibhoni, valala va di luga gikungo nya gu mu dwanise, khavo: Hongoleni hi fuvise vathu vava, litigo lawe li si vegwi gambe tengoni nya mayigo. Uwe nuwe Madimeni, kha wu na ganela gilo; kholu nyimbi yi ngu landra khu hwane gwago.

Ezekiyeli 38:10

Mune Pfhumu Nungungulu, a ngu ganela kharati, khuye: Ga litshigu lolo, u na pimisa silo nya gutale monyoni gwago, bwelo khavbo u luga makungo nya guvivbe.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Mithumo 4:17

Na ma si gu phalalegi vbakari nya vathu mahungu yaya, hongoleni hi va thele hwanga, hi va himbedzela gu ganela gambe khu lina lolo.”

Josuwa 9:2

va di ya tombana va pwanana gumogo, gasi gu dwanisa Josuwa ni va na Israyeli.