Dzindzimo 83:10 - Bhibhiliya Nya Guage

¹⁰ U nga va mbembisa dhoropani ga Eni-Dhori; sirumbi sawe si hinidego mafuni.

Dzindzimo 83:10 Iomraidhean Croise

2 Dzipfhumu 9:37

Girumbi gya Jezabheli, gi na khala kha nga gitoromu mahangeni ya Jezireyeli; avbo gu na gumba ganedwa gambe gupwani: “Oyu khu Jezabheli.”

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Sofoniya 1:17

Nyi na pwisa wuvi vathu, avo va na gimbila khu gu phiphithela nga sikhumu, kholu va ghohede Pfhumu Nungungulu, novba wawe wu na vbalaga nga kudzudzwane ni sirumbi sawe si na khala nga ndzilo.

Josuwa 17:11

Kholu tigoni ga Isakari ni Aseri, Manasi a di ningwa Bheti-Seyani gumogo ni madhoropa yaye; Ibhileyamu gumogo ni madhoropa yaye; vavbanyi va Dhori gumogo ni madhoropa yawe; vavbanyi va Eni-Dhori gumogo ni madhoropa yawe; vavbanyi va Tahanaki gumogo ni madhoropa yawe ni vavbanyi va Megidhu gumogo ni madhoropa yawe; a gu malanga mararu.

Valamuli 4:15

Pfhumu Nungungulu a di pala Sisera ni dzikareta dzaye, gumogo ni masotshwa yaye yatshavbo mbeli ga Bharaki; Sisera a di ndraga khu karetani a thava, a tutuma khu mawundru.

Valamuli 4:16

Aholu Bharaki, a di lundra dzikareta ni masotshwa kala Haroseti-Hagoyimi; masotshwa yatshavbo ya Sisera ma di songwa khu matshari, nyamba vbuluga ni moyo basi.

Valamuli 5:21

Va di kukulutwa khu tsongo wa Kisomi, tsongo wule wa gale, tsongo nya mayunga. Uwe hefemulo wangu, tiya uya mbeli.

Valamuli 7:25

Va di mola manganagana mavili nya Vamedhiyani, Orebhi ni Zehebhi; Orebhi va diya mu songela vbagiwindritunu ga Orebhi, ni Zehebhi vaya mu songa vbagighowolotunu nya gugamele dziuvha gya Zehebhi. Khu hwane nya gu bani va vbedzide gu lundra Vamedhiyani, va di resa mihungo ya Orebhi ni Zehebhi ga Gidhiyoni, a nga bani na gu khade khu tshatugo nya tsongo wa Joridhani.

1 Samuweli 28:7

Khavbo avbo, Sawule a di embela sithumi saye, khuye: “Nyi vbweteleni nyamayi a gu na ni sikwembu, gasi nyi ya mu wudzisa.” Sithumi saye si di mu embela, khiso: Womo nyamayi moyo tigoni ga Eni-Dhori a gu ni liphuvbo nya gusasule.