Dzindzimo 81:12 - Bhibhiliya Nya Guage

¹² Khu guralo, nyi di va diga va gira guhaladza gwawe, va landrisela gugola nya myonyo yawe.

Dzindzimo 81:12 Iomraidhean Croise

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

2 Dzipfhumu 18:12

Esi si giregide kholu va ngamba yingisa lito la Pfhumu Nungungulu wawe, aholu va di hambanisa gidzumeledzwano gyaye ni sileletelo satshavbo va nga leletedwago khu Mosi, githumi gya Pfhumu Nungungulu, gima kha va nga si yingisa ambari gu si gira.

Nehemiya 9:16

Aholu avo gumogo ni vababe vathu, va di gu yeyisa va gira matshandza ni gu bangisa dzithamo dzawe va si gu thumeli, va si yingisi milayo yago.

Joba 8:4

Avbo sanana saye si nga mu ghohelago, Uye nuye a va dzudzugide, khu wuvivbi nya sighoho sawe.

Ekisodha 11:9

Pfhumu Nungungulu a di embela Mosi, khuye: “Faro kha na mi yingisa, gasi siliwugiso sangu si fela gu engedzelana tigoni momu ga Egipito.”

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Isaya 30:9

Kholu vathu vava, khu lisine vathu nya guyeyise; sanana nya malipha, si si vbwetigo gu yingisa nayo wa Pfhumu Nungungulu.

Isaya 42:24

Khu mani a ningedego Jakobe a phangwa, ni Israyeli mandzani nya vaphangi? Ina khandri Pfhumu Nungungulu, oyu va mu ghohedego, gani. Khuye va nga ndreyago ndzilani gwaye, va si dzumeli gu yingisa nayo waye.

Jeremiya 42:21

Aholu, muhuno nyi mi embedeni satshavbo esi Pfhumu Nungungulu wanu, a nyi rumedego gu mi tivisa, aholu kha mu dzumeli gu yingisa ni gimwegyo nya iso si dugago khu kanani gwangu.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Hoseya 9:17

Nungungulu wangu a na va diga, kholu kha va mu yingisi. Va na khala valegalegi vbakari nya mayigo.

Levhi 26:14

Aholu mwa gumba nyi yingisa, ni gumba landrisa milayo yeyi;

Mithumo 14:16

Ga mimela yi vbindridego dzumedziside gukhuye vathu va gimbile khu dzindzila nya tumbunugo wawe;

Mithumo 7:42

Aholu, Nungungulu a di va pfhurarela a va diga va khozela sivangwa sa ndrengelengeni, kha nga gu nga lowago libhukuni la vaprofeti pwani: ‘Sanana sa na Israyeli, gipimo nya magumana myaga giwulani kha mwa dzi kodza gu nyi songela sirengo mu nyi phasela dzimhamba,

Varoma 1:24

Khu kharato, Nungungulu a di va diga va gu thegela gunyenyezani nya gugole nya myonyo yawe, va gu gira mithumo ya dzitshoni, yi nyenyezisago sivili sawe.

1 Samuweli 8:19

Aholu vathu kha va nga yingisa magana ya Samuweli, va di ganela, khavo: “Hi wowe! Ethu ha gu vbweta mufumeli nya gu hi fumele.