Dzindzimo 8:3 - Bhibhiliya Nya Guage

³ Nya gu khedza ndzadzini nyi wona sigiro nya mandza yago: Ngima ni dzinyeledzi u si vegidego malangani yawe,

Dzindzimo 8:3 Iomraidhean Croise

Genesi 1:1

Guhegulani Nungungulu a di vanga ndzadzi ni mafu.

Joba 22:12

Ina Nungungulu mwalo vbatshani ndzadzini, gani? Nga wona dzinyeledzi nya dzikhongolo vbatshani yeyi. Idzo dzi khusegidego khidzo!

Joba 25:3

Khu mani a kodzago gu saya tengo nya gikwata gyaye? Khu mani a si khuhwigo khu wenengedzo waye?

Joba 25:5

Ambari khu ngima kha wu khedzigi, ni dzinyeledzi kha dza aga mahoni gwaye,

Joba 36:24

Alakanya gu khusedza mithumo yaye, eyi yi dhumiswago khu dzindzimo khu vathu nya vangi.

Dzindzimo 104:19

U giride ngima gasi gu kabanisa dzinango, lidambo li ngu giti gikhati li pfolago khigyo.

Dzindzimo 111:2

Sigiro sa Pfhumu Nungungulu sikhongolo, si ngu tsakisa vatshavbo va si vbwetago.

Dzindzimo 148:3

Lidambo ni ngima, si na mu dhumise, mu dhumiseni enu dzinyeledzi dzatshavbo mu wenengedzago.

Dzindzimo 19:1

Ndzadzini gu ngu tivisa wudhumo wa Nungungulu, ndrengelenge wu ngu tivisa sigiro nya mandza yaye.

Dzindzimo 33:6

Pfhumu Nungungulu giride ndzadzini khu lito laye, khu liphuvbo la kanani gwaye, si wumbidwe sivangwa satshavbo.

Dzindzimo 89:11

Ndzadzi ni mafu sa gu lumba uwe, u giride litigo ni satshavbo si guromo umo.

Ekisodha 31:18

Hwane nya gu Pfhumu Nungungulu na vbedzide gu ganela ni Mosi gigomoni gya Sinayi, a di mu ninga mapulango mavili nya Wufakazi, siwindri si lovidwego khu nyala ya Nungungulu.

Ekisodha 8:19

Khu guralo, dzinyanga dzi di embela Faro, khidzo: “Khu Nungungulu a girago esi.” Aholu monyo wa Faro wu di banga, kha nga idzo a nga ganelago Pfhumu Nungungulu.

Luka 11:20

Gani olu, nya gu bani nyi tutumisa maphuvbo nya guvivbe khu tshivba ya Nungungulu, khigyo giyeyedzo nya gupwani Mufumo wa Nungungulu wu vbohide vbakari gwanu.

Varoma 1:20

Kholu, makhalelo nyamba wonega ya Nungungulu, tshivba yaye nya gupindruge ni tumbunugo nya wu Nungungulu waye, si ngu wonegiswa gwadi gukhugela gu vangwa nya mafu, khu sigiro saye a si giridego. Khu kharato, va mwalo guditshedzwa.

Dhewuteronome 4:19

Wa gu khusa maho u khedzisa ndzadzini wa gu wona lidambo, ngima ni dzinyeledzi, ni mabutho yatshavbo ya ndzadzini u nga tshuki u dzi nyenyezisa khu gu si khidzimela u si khozela ni gu si thumela. U thumela silo esi Pfhumu Nungungulu wago a si kabanisedego vathu nya mayigo yatshavbo ma guromo vbavbatshi nya mafu gasi si khala thomba yawe.