Dzindzimo 77:12 - Bhibhiliya Nya Guage

¹² Nyi na alakanya gambe mithumo yatshavbo u giridego, nyi alakanyela sigiro sago nya gusamadzise.

Dzindzimo 77:12 Iomraidhean Croise

Dzindzimo 104:34

Gupimisa gwangu gu na tsakise Uye, eni nyi na nengela ga Pfhumu Nungungulu.

Dzindzimo 105:2

Embelelani dzindzimo nya gu Mu dhumise, mu pwadze sigiro saye satshavbo a giridego nya guliwugise!

Dzindzimo 105:5

Alakanyani mithumo yaye nya gusamadzise a giridego, ni siliwugiso saye ni gulamula gu dugago khu kanani gwaye,

Dzindzimo 119:52

Pfhumu Nungungulu, nyi ngu alakanya sileletelo sago sa gale, nyi na mana gu tangadziswa.

Dzindzimo 143:5

Nyi ngu dundruga matshigu ya gale, nyi ngu pimisela mithumo yago yatshavbo, nyi ngu alakanya siliwugiso u giridego khu mandza yago.

Dzindzimo 145:11

Va na ganela khu wudhumo nya wufumu wago, va huwelela mithumo yago nya tshivba,

Dzindzimo 145:4

Mimela ni mimelana yi na embeledzelana mithumo yago, vatshavbo va na huwelela sigiro sago nya tshivba.

Dzindzimo 71:24

Wutshigu ni mihani nyi na ganela khu wuwadi wago; kholu avo va nga vbweta gu nyi songa, va poyidwe ni gu thedwa dzitshoni.

Isaya 63:11

Avbo va nga dundrugago matshigu ya gale, ya Mosi, ni ya vathu vaye, va di ganela, khavo: Womo hayi wule a nga hi vbindrisa khu vbakari nya yiphwa ni vahavisi nya tshambi waye? Womo hayi wule a nga thelago vbakari gwawe Liphuvbo laye nya Guage,

Dhewuteronome 6:7

u na yi hevbudza ga sanana sago, u na ganela khiyo nu khade ndrangani gwago, na wu gu gimbila ndzilani, gikhati u lalago, ni gikhati u wugago.

Dhewuteronome 7:18

U nga va thavi. Dundruga esi Pfhumu Nungungulu wago, a giridego ga Faro gumogo ni Vagipiti vatshavbo:

Dhewuteronome 7:19

Siwonegiso nya sikhongolo u si wonidego khu maho yago, ni siyeyedzo, siliwugiso, mandza nya tshivba ni libogo li khusedzidwego, esi Pfhumu Nungungulu wago, a gu dusidego khiso. A na gira kharato Pfhumu Nungungulu wago, ga vathu vatshavbo, avo u va thavago.