Dzindzimo 72:1 - Bhibhiliya Nya Guage

¹ Nungungulu, hevbudza mufumeli nya litigo malamulelo yago, ninga gululama gwago gyanana gya mufumeli.

Dzindzimo 72:1 Iomraidhean Croise

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

1 Dzipfhumu 1:39

Muphasi nya mhamba, Sadhoki, a di bela tshatshani aya dzega kheho nya mafura a todza Solomoni. Khu hwane va di womba pundru, vathu vatshavbo va di ganela, khavo: “A na vbanye mufumeli Solomoni.”

1 Dzipfhumu 3:9

“Khu guralo, ninga githumi gyago, monyo nya gutale khu guti, gasi a kodza gu gimbidzisa vathu vago, a mane wugengeli nya guti guhambanisa wuwadi ni guvivba, kholu, khu mani a na kodzago gulamula vathu vago nya gutale kharati?”

1 Dzikoronika 18:14

Khu guralo, Dhavhidhe a di fumela va na Israyeli vatshavbo, a lamula khu gululama mahungu ya vathu vaye vatshavbo.

1 Dzikoronika 22:9

Wona, mwamana u na velegago, a na bani ari mwama nya gurule, kholu nyi na mu ninga guhefemula khu ga vatshavbo valala vaye va mu randredego; khu guralo, lina laye a na bani ari uye Solomoni; gurula ni gukhadzisega nyi na si ninga ga na Israyeli matshiguni gwaye.

1 Dzikoronika 29:19

Mwamana wangu Solomoni, mu ninge monyo wu vbeledego gasi a kodze gu sayisa milayo yago, magana ni sileletelo sago, a gira satshavbo gasi a kodza gu vbaha nyumba yeyi yago nyi yi dongisedego.

2 Dzikoronika 1:10

Khu guralo, nyi ninge wugengeli ni mapimo, gasi nyi kodze gu gimbidzisa vathu vava; kholu, khu mani a na kodzago gu lamula vathu nya vangi nya nga ava?”

Dzindzimo 127:1

Nyumba ya gumba vbahwa khu Pfhumu Nungungulu, thumo watshavbo wa vavbahi kha wu phasi gilo; lidhoropa la gumba woneledwa khu Pfhumu Nungungulu, vakhedziseli va gu pilekelana mahala.

Isaya 11:2

Liphuvbo la Pfhumu Nungungulu, li na mbaka vbatshani gwaye, a gu Liphuvbo nya guti ni mapimo, Liphuvbo nya wusingalagadzi ni tshivba, Liphuvbo nya wugengeli ni githawo ga Pfhumu Nungungulu.

Johane 3:34

Kholu wule a nga rumedwa khu Nungungulu a gu ganela mahungu ya Nungungulu, Nungungulu kha mu ningi Liphuvbo khu gu mu pimela.