Dzindzimo 6:2 - Bhibhiliya Nya Guage

² Nyi pwele wusiwana Pfhumu Nungungulu, kholu nyi ngu vbela tshivba; nyi hawulugise Pfhumu Nungungulu, kholu marambo yangu ma ngu khuyugela.

Dzindzimo 6:2 Iomraidhean Croise

Genesi 20:17

Abrahama a di lombelela ga Nungungulu, Nungungulu a di hawulugisa Abhimeleki, mwangadzi waye ni sithumi saye nya vanyamayi, gasi va kodze gu velega sanana.

Joba 19:21

Pharani mawundru va ndriyangu, pharani mawundru, mu nyi pwela gisiro! Kholu gyandza gya Nungungulu gi nyi vetide.

Joba 5:18

Kholu uye a ngu thela dzimbanga, bwelo khavbo a dzi hungelela; Uye a ngu bayisa, aholu mandza yaye ma vbodzisa.

Dzindzimo 22:14

Nyi vbaladzidwe vbavbatshi kha nga mati, marambo yangu yatshavbo ma gu kunugela; monyo wangu wa gu fanana ni sera yi nyiviligago ndrani gwangu.

Dzindzimo 30:2

Pfhumu Nungungulu wangu, eni nyi lide avbo gwago u nyi halawugisa.

Dzindzimo 31:10

Kholu womi wangu wu ngu vbela khu gusaniseka, myaga yangu khya gu dilela; tshivba yangu yi ngu vbunguga khu wumbwa ni marambo yangu ma khuyugede.

Dzindzimo 32:3

Gikhati nyi nga degula, marambo yangu ma di banga, khu gudilela gwangu nya matshigu yatshavbo.

Dzindzimo 38:2

Sighalala sago si nyi hekhide, mandza yago ma ngu nyi sokhovedza.

Dzindzimo 38:3

Gi mwalo givbango nya gyadi milini gwangu, khu kotani nya likhulo lago, wu mwalo womi maramboni gwangu, khu kotani nya sighoho sangu.

Dzindzimo 38:7

Giwunu gyangu gya gu vbisa ngudzu gu mwalo givbango nya gyadi milini gwangu;

Dzindzimo 51:8

Nyi gire nyipwa gunengela ni gutsaka, gasi ma nengele marambo yangu u ma fanyeledzedego.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Jeremiya 10:24

Nyi tsayise uwe Pfhumu Nungungulu, khu gululama nasiri khu dzihanyi, gasi nyi si mbembi.

Jeremiya 17:14

Pfhumu Nungungulu, nyi thume gasi nyi kodze gu vbanya, nyi vbulugise gasi nyi kodze gu vbuluga; kholu uwe khuwe wuzundzo wangu.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Mitengo 12:13

Khu guralo, Mosi a di lila ga Pfhumu Nungungulu, khuye: “Ama Nungungulu nyi ngu gu lomba gukheni, u mu vbanyise!”

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.