Dzindzimo 57:1 - Bhibhiliya Nya Guage

¹ Nyi pwele wusiwana Nungungulu, nyi pwele wuhindzi, hefemulo wangu wu ngu thavela avbo gwago; nyi na sihala mutsani nya dzimbapi dzago, kala si vbindra sigaradzo.

Dzindzimo 57:1 Iomraidhean Croise

Dzindzimo 125:1

Avo va tumbago Pfhumu Nungungulu va ngu fanana ni gigomo gya Siyoni, gi si tsekatsekigo, gi tiyidego kala gupindruga.

Dzindzimo 13:5

Eni nyi tumbide wuhigo wago; monyo wangu wu na nengela, kholu u na nyi vbanyisa.

Dzindzimo 142:1

Nyi ngu khusa lito nyi womba huwa ga Pfhumu Nungungulu; nyi ngu lombelela ga Pfhumu Nungungulu.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Dzindzimo 56:1

Nyi pwele wusiwana Nungungulu wangu, kholu vathu va ngu vbweta gu nyi bayisa; va gu nyi tshanisa ni gu nyi dwanisa litshigu latshavbo.

Dzindzimo 58:1

Enu vafumeli, ina khu lisine mu ngu lamula khu gululama, gani? Mu ngu lamula milandru ya vatshavbo khu fanelo yi vbwetegago, gani?

Dzindzimo 59:1

Uwe Nungungulu wangu, nyi vbulugise ga valala vangu; nyi vbanyise ga ava va nyi tshanisago.

Dzindzimo 61:4

Nyi vbanya nyumbani gwago kala gupindruga; nyi sayisega mutsani nya dzimbapi dzago.

Dzindzimo 63:7

Kholu u khade wuthavelo wangu, nya gu nengela mutsani nya mambapi yago.

Dzindzimo 75:1

Hi ngu gu bonga uwe Nungungulu; ethu hi ngu gu bonga, hi ngu rana lina lago, hi huwelela siliwugiso sago.

Dzindzimo 9:10

Pfhumu Nungungulu, vatshavbo vatigo lina lago, va gu tumba uwe, kholu uwe gima khu digi avo va gu vbwetago.

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Dzindzimo 91:4

A na gu fenengedza a gu vhikela, u na mana gu sayisega vbavbatshi nya dzimbapi dzaye; gutumbega gwaye gitshangu gyago.

Dzindzimo 91:9

Kholu khu lisine, Pfhumu Nungungulu wuthavelo wangu. U dzi hathede wulanga ga oyu a Khusegidego ngudzu.

Isaya 10:25

Kholu ndrani nya gikhati gidugwana yi na wuga khorodza ni likhulo langu, gasi nyi va pfhungumula.”

Isaya 26:20

Vathu vangu, Indrani, belani dzinyumbani gwanu mu dzi segela malimba, mu sihala umo gikhatinyana kala li bose likhulo laye.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Matewu 24:22

Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.

Luka 13:34

“Jerusalema, Jerusalema, u songago vaprofeti ni gu pfara khu siwindri vale u rumedwago khu Nungungulu! Dzinyondro dzingani eni nyi dogoredego gu tshanganisa sanana sago, kha nga khugu yi fundramelago sitshondryana saye, uwe u bomba!”

Johane 16:20

Khu lisine, nyi ngu mi embelani, kheni: Mu na lila ni gusaniseka, aholu litigo li na tsaka. Gani olu gusaniseka gwanu gu na vbindrugedza gu khala litsako.

Dhewuteronome 9:26

Nyi di lombelela ga Pfhumu Nungungulu, nyi ganela, kheni: Ama Pfhumu Nungungulu! U nga mbembisi vathu vago, a gu thomba yago gambe, U va dzegisidego khu wugulu wago, U va dusidego khu tigoni ga Egipito khu mandza yago nya tshivba.

Gutuledwa 21:4

Uye a na va bavbula marongo mahoni gwawe, kholu gima kha gu na manega gambe gufa, gulila gu na vbela, ni gudilela ni wuvi, kholu dzitshanisa dza gale dzi vbindride.”

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.

Rute 2:12

Pfhumu Nungungulu a na gu bweledzele mithumo yago, u hakha tshatshazelo nya yikhongolo khu ga Pfhumu Nungungulu wa Israyeli, Uye u dzudego vbavbatshi nya dzimbapi dzaye gasi guta mana wuthavelo.”

1 Samuweli 22:1

Dhavhidhe a di thava khu dhoropani ga Gati a hongola aya sihala phalani ga Adhulamo. Avbo vandriyaye gumogo ni ngamo ya babe waye va tugudego isoso, va di hongola kala iyoyo gasi guya manana naye.

1 Samuweli 24:3

Uye a di vboha mavbandroni nya dzinvuta ma manegago ndzilani; avbo gu nga bani guri ni phago; Sawule a di bela umo gasi guya dzi ruma. Dhavhidhe gumogo ni masotshwa yaye va di khade khu wubambe nya phago.

1 Samuweli 24:4

Khavbo avbo, masotshwa ya Dhavhidhe ma di mu lembela, khayo: “Khilo eli litshigu lile Pfhumu Nungungulu a gu embedego, khuye: Nyi na ningela mandzani gwago valala vago gasi u va gira iso u na si golago.” Khu vbale Dhavhidhe a di hongola khu guvandramela aya pila tshoka nya gifenengelo gya Sawule, uye nyamba pwa gilo.

1 Samuweli 24:8

Khu hwane, Dhavhidhe a di duga khu phagoni a huwata Sawule, a mu rana, khuye: “Ama mufumeli, mune wangu!” Avbo Sawule a nga khedza hwane, Dhavhidhe a di noga a yeyedza githawo, a tsitsa khu khovbe mafuni.

1 Samuweli 26:9

Aholu Dhavhidhe a di hakha Abhisayi, khuye: “U nga mu songi, kholu khu mani a kodzago gu khusa gyandza gyaye a songa uye a todzidwego khu Nungungulu a si mani nandru?”